روس خالقی‌نین تورکیه سئوگی‌سی
استراحت‌لرینی اساساً آک دنیزی بؤلگه‌سینده کئچیرمه‌یه اوستونلوک وئرن روس خالقی‌نین 2018-جی ایلده ان پوپولیار تعطیل مکانی اویغون قیمت‌لری و ایمکان‌لاری ایله تورکیه‌دیر.
استراحت‌لرینی اساساً آک دنیزی بؤلگه‌سینده کئچیرمه‌یه اوستونلوک وئرن روس خالقی‌نین 2018-جی ایلده ان پوپولیار تعطیل مکانی اویغون قیمت‌لری و ایمکان‌لاری ایله تورکیه‌دیر.
تورکیه‌نین مدنیت و توریزم ناظیری مهمت ارسوی بو ایل تورکیه‌یه 6 میلیون روسیا‌لی توریستین گلدیگینی و بو معنادا یئنی بیر رکوردون الده ائدیله جگینی بیلدیردی.
روسیا تور اوپراتورلاری بیرلیگی ده ایلین ایلک یاری‌سیندا روسیا‌دان تورکیه‌یه توریست سفرلری‌نین کئچن ایلله موقاییسه‌ده 50% آرتدیغینی آچیقلادی.
روس‌لار تورکیه ایله علاقه‌دار فیکیرلرینی روسیانین پایتاختی موسکوادا بؤیوک ماراغا سبب اولان "تورکیه فستیوا‌لی" چرچیوه‌سینده دیله گتیردی‌لر.
موسکوادا اونیورسیته اویرنجیسی اولان آلسیا میرونووا تورکیه فستیوالینا تورک مدنیتینی تانیماق اوچون گلدیگینی بیل‌دیره‌رک: "چونکی گلن ایل تورکیه‌یه گئتمک ایستییرم. تورک مطبخینی خصوصیله چوخ سئویرم. تورکیه دئیینجه، آغلیما دنیز، تورک شیرنیات‌لاری و گؤزل قیافت‌لر گلیر" دئدی.
موسکوا‌لی آلکساندر کوزمین عائله‌سی ایله بیرلیکده ایزمیرده استراحت ائتدیک‌لرینی قئید ائده‌رک: "حقیقتن، مؤحتشم ایدی. ایستانبول و کاپادوکیانی دا گؤرمک ایستییریک. تورکیه‌یه یئنی‌دن سیاحت ائتمگی سبیرسیزلیکله گؤزلییریک" دئدی.
موسکوا یونوس امره اینستیتوتونون مودیر وکیلی فرهاد تامکوچ ایسه تورک مدنیتینه و دیلینه روسیادا بؤیوک بیر ماراق اولدوغونو بیل‌دیره‌رک: "روس وطنداش‌لاری تورک دیلی کورس‌لاریمیزلا ماراق‌لانیرلار. سپتامبردان اعتباراً ایلده 4-5 دؤور اولا‌راق تورک دیلی کورس‌لاری کئچیرمگی پلان‌لاش‌دیریریق. تورک سریال‌لارینا دا روسیادا ماراق بؤیوک‌دور" دئدی.
