سلجوق‌لویا عاید ایکی کتابه تاپیلدی
کیتابه‌لر، ترک ائدیلمیش بیر ائوده سوتون شکلین‌ده دیکی‌لی اولاراق تاپیلدی
آنتالیانین فتحینین آردیندان سلجوق‌لو سلطانی ۱.جی غیاث‌الدین کیخسرو و اوغوللاری عزالدین کیکاوس و علاالدین کیقبادین تیکدیردیگی فتح یازیدلاریندان/کیتابه‌لریندن ایکیسی، ترک ائدیلمیش بیر ائوده تاپیلدی.
سلجوق‌لو سلطانی ۱.جی غیاث‌الدین کیخسروون ۵ مارس ۱۲۰۷ده فتح ائتدیگی آنتالیادا قالاایچینه دووارلار تیکدیریلدی.
کیخسروون قالا دووارلارین اوستونه یازدیردیغی ۴۳ کیتابه‌دن عبارت اولان فتحنامه‌نین تخمیناً ۱۰۰ ایلدیر ایتکین اولان ایکی بؤلومونو، آراشدیرماچی نجمی آتیک تاپدی.
آتیک، کیتابه‌لری، ترک ائدیلمیش بیر ائوده سوتون شکلین‌ده دیکی‌لی اولاراق تاپدیغینی سؤیله‌دی.
قالاایچینده‌کی چالیشمالاری سیراسیندا داها اؤنجه ایله‌نجه مرکزی اولاراق ایستیفاده ائدیلن و حاضردا ترک ائدیلمیش وضعیت‌ده اولان بینادا دیکی‌لی حال‌دا تاپدیغی ایکی فتح کیتابه‌سینین ان سون ۱۹۲۴ده گؤرولدویونو و بو واختا قدر هارادا اولدوقلارینین معلوم اولمادیغینی سؤیله‌دی.
ایللردیر آراشیدیرما‌چیلارین کیتابه‌لری آرادیغینی بیلدیره‌ن آتیک، تاپیلان ایکی کیتابه‌نین تخمیناً ۱۰۰ ایلد‌ن بو یانا ایتکین اولدوغونو، اؤزو تاپدیغی اوچون آیریجا چوخ هیجان‌لی اولدوغونو دیله گتیردی.
آتیک، تاریخ، مدنیت و صنعت کیمی بیر چوخ جهت‌دن بیرینجی درجه‌دن سند اولان ۴۳ کیتابه‌لیک فتحنامه‌نین آنتالیا موزه‌سی قوروجوسو سلیمان فیکری ارتن باش‌دا اولماقلا عثمانلی دؤورو تاریخ‌چیلری طرفین‌دن ده آراشدیردیلدیغینی و اوخونماغا چالیشیلدیغینی بیلدیر‌ن آتیک بئله داوام ائتدی:
"گونوموزده ۴۳ کیتابه‌نین ۲۷سی اینسیتو (قایناق) دوروموندا، قویولدوغو اوریژینال حالی ایله قالانین بورج و دووارلارین‌دا. ۷سی آنتالیا موزه‌سینده. ایتکین اولان ۹ کیتابه‌دن ۲سینی ترک ائدیلمیش بیر ائوین حیطین‌ده تاپدیق. تاپیلان کیتابه‌لر، فتحنامه‌نین ۲.جی و ۳.جو کیتابه‌لری".
