8-جی اولوسلار آراسی ایسلام فورومو ایستانبول-دا کئچیریلیر
ایسلام دونیاسینین اینکیشاف ائدن طلبلره نئجه جاواب وئرجگینین موذاکیره ائدیلجیی 8-جی اولوسلار آراسی ایسلام فورومو ایستانبولدا کئچیریلیر.
ایسلام دونیاسینین اینکیشاف ائدن طلبلره نئجه جاواب وئرجگینین موذاکیره ائدیلجیی 8-جی اولوسلار آراسی ایسلام فورومو ایستانبولدا کئچیریلیر.
فورومدا "ایسلام دونیاسیندا بیرلیک" مسئلهسی اؤنملی یئر توتور.
"تئوری و پراکتیکی روحانی حاکمیت و اینتگراسیون" باشلیغی آلتیندا تشکیل ائدیلن فورومدا 40-دان چوخ اؤلکهدن نمایندهلر ایشتیراک ائدیر.
میللی تورک طلبه بیرلیگینین صدری ایسماعیل امراه کارایئل فورومداکی چیخیشیندا سؤیلهییب: "ایسلام دونیاسینین ان بؤیوک پروبلئملردن بیری اتفاق مسئلهسیدیر. دایم کیچیلمه، آیریلما، پارچالانما اوزریندن بیر-بیریمیزله دؤیوش وضعیتیندییک."
تورک آسیا ایستراتژی آراشدیرمالار مرکزی (تاسام) باش کاتیبلیگینده کئچیریلن فورومدا چوخ سایدا قادین و گنج ده یئر آلیر.
ایکی گون داوام ائدهجک فورومدا "اورتاق دیرلر و فرقلر"، "معاصر اجتماعی، سیاسی و اقتصادی شرطلر قارشیسیندا معنوی و سیاسی لیدرلیک اینشاسی ایمکانلاری" و دیگر موضوع لار موذاکیره ائدیلهجک.