دونیانین ان بؤیوک ایچ کؤچو یاشانیر
تعطیل بویونجا ۲ میلیارد ۹۸۰ میلیون سفر ائدیلمهسی گؤزلنیلیر
چینده مدرن دونیانین ان بؤیوک ایچ کؤچ حرکتی باش وئریر.
باهار بایرامینی (چونجیه) عائلهلریله گئچیرمک اوچون یوز میلیونلارجا اینسانین یوللارا دوشدویو چینده، باهار بایرامی ترافیکی (چونیون) تلاشی یاشانیر.
گلهنکسل ۱۲ حیوانلی آی تقویمینه گؤره ۱۶ فوریهده "خوروز ایلینی" گئریده قویاراق "ایت ایلینه" گیرهجک اؤلکهده، تعطیل بویونجا ۲ میلیارد ۹۸۰ میلیون سفر ائدیلمهسی گؤزلنیلیر.
هر ایل باهار بایرامی دؤورونده یورد ایچی سیاحت ساییسی، بیر اولکی ایله گؤره اورتالاما ۲۰۰ میلیون آرتیر.
۱ میلیارد ۴۳۰ میلیونلوق اهالیسی ایله دونیانین ان بؤیوک اؤلکهسی اولان چینده، کند و قصبهلردن شهر مرکزلرینه ایشلهمهیه گئدن یوز میلیونلارلجا انسان، گئریده بوراخدیقلاری عائلهلرینی گؤرمک مقصدیله دوغولدوقلاری یئرلره گئدیر.
اؤلکهدهکی اساس نقلیات واسطهسی قاتار، چونیون مؤوسومونده خالقین ان چوخ اوستونلوک وئردیگی توپلو داشیما واسطه اولما اؤزللیگینی قورویور.
یئنی ایله بوتون عائله عضولری ایله گیرمهنین ان اؤنملی عنعنهلردن بیری اولدوغو اؤلکهده، خالقین توپلو شکیلده وطنلرینه گئتمهسی، مدرن دونیاداکی ان بؤیوک اینسان حرکتی اولاراق دا ایفاده ائدیلیر.
رسمی باهار بایرامی تعطیلی، ۱۶ فوریهده باشلایاجاق و ۷ گون داوام ائدجک.
آنجاق وطنداشلار، بایرام حاضرلیقلاری ایله بایراملاشماق اوچون تعطیل اؤنجهسی و سونرا علاوه اجازهلر آلاراق بو مدتی ۴۰ گونه قدر اوزادابیلیر.