تورک موسیقی قروپو سعودی عربیستانیندا کونسرت وئردی

تورک اینسترومنتال موسیقی قروپو "Taksim Trio " سعودی عربیستانی‌نین جده شهرینده کونسرت وئردی.

سعودی عربیستانیندا یئنی یارادیلان و اؤلکه‌دکی کونسرت و ایلنجه تدبیرلرینی تشکیل ائدن باش ایلنجه ایداره‌سی‌نین دستکی ایله کرال عبدالله ایقتیصادی شهرجیگینده وئریلن کونسرتی چوخ سایدا تاماشاچی ایزله‌دی.

حسنی شنلندیریجی، آیتاج دوغان و ایسماعیل تونچ بیلک‌دن عبارت Taksim Trio قروپو اوچ ساعت داوام ائدن آچیق هاوا کونسرتینده تورک موسیقی‌سی و تورکولری ایله تاماشاچی‌لارا ذوق دولو آنلار یاشاتدی‌لار.

حسنی شنلندیریجی کونسرت‌دن سونرا آچیقلاما وئره‌رک Taksim Trio  قروپونون ایللرله اورتا دوغودا و موختلیف اؤلکه‌لرده کونسرت‌لر وئردیک‌لرینی بیلدیردی.

شنلندیریجی: "سعودی عربیستانینا ایلک دفعه گلیریک. بو، تورک موسیقی قروپونون سون دفعه 1983-جو ایلدکی گلیشین‌دن سونرا سعودی عربیستانیندا وئریلن ایلک کونسرت‌دیر. دینلییجی‌لرین ماهنی‌لاری بیلدیک‌لری بللی اولور، بیزیمله بیرگه اوخویورلار" دئدی.