شاعرین جزاسی 2 مین ایل سونرا لغو ائدیلدی
سورگون جزاسی، شهر مجلسین‌ده مخالیفت‌ده اولان ۵ اولدوز حرکتینین اؤنرگه‌سی ایله قوه‌دن قالدیریلدی
روما شهر مجلسی لاتین ادبیاتینین ان اؤنم‌لی اوچ شاعریندن بیری قبول ائدیلن اوویدیوسا روما امپراتورو آوگوستوس طرفین‌دن وئریلن جزانی ۲ مین‌دن آرتیق ایل سونرا لغو ائتدی.
سورگون جزاسی، شهر مجلسین‌ده مخالیفت‌ده اولان ۵ اولدوز حرکتینین (ام۵اس) اؤنرگه‌سی ایله قوه‌دن قالدیریلدی.
بئش اولدوز حرکتی، اوویدیوسون "حاقینداکی عدالتسیزلیگی آرادان قال‌دیرماق" مقصدیله اؤنرگه وئردیکلرینی آچیقلادی.
ویرژیل و هوراس ایله روما دؤورونون ان گؤرکم‌لی شاعرلرین‌دن بیری اولان اوویدیوس، میلاددان سونرا ۸ ایلین‌ده بو گون رومانی سرحدلری ایچین‌ده یئر آلان کؤستنجه‌یه سورگون ائدیلمیش‌دی. شاعر، بو تاریخ‌دن اعتباراً اؤلنه قدر ۹ ایل کؤستنجه‌ده قالمیشدی.
دونیانین اولوشومونو آنلاتدیغی ۱۵ کیتابلیق "مئتامورفوزلار" و "عشق صنعتی" کیمی اثرلری ایله تانینان اوویدیوسون "هئرو و لیندروس" آدلی شعری، ایستانبولون مشهور قیز قالاسی ایله باغلی بیلینن ان قدیم اثر کاولاراق قبول ائدیلیر.
