ابراهیم ارن:"خبر اوبجکتیو، بیطرف دئییل، بالانسلی اولمالیدیر"
تورکیه رادیو تلویزیون قورومونون (TRT) باش مودیری ابراهیم ارن اولوسلار آراسی مئدیا تحصیل پروگرامی چرچیوهسینده (UMEP) وئریلن ضیافتده چیخیش ائتدی.
تورکیه رادیو تلویزیون قورومونون (TRT) باش مودیری ابراهیم ارن اولوسلار آراسی مئدیا تحصیل پروگرامی چرچیوهسینده (UMEP) وئریلن ضیافتده چیخیش ائتدی.
تورکیه رادیو تلویزیون قورومو طرفیندن (UMEP) آنتالیادا کئچیریلن 5-جی اولوسلار آراسی مئدیا تحصیل پروگرامی چرچیوهسینده (UMEP) ضیافت تشکیل اولوندو.
ترت-نین باش مودیری ابراهیم ارن 70 اؤلکهدن 162 مئدیا نمایندهسینین قاتیلدیغی ضیافتده چیخیش ائتدی.
ابراهیم ارن چیخیشیندا UMEP-ین مقصدینین تورکیهنین یاییم تجروبهسینی دونیا ایله بؤلوشمک اولدوغونو بیلدیردی.
تلویزیون سئکتوروندا تورک سریاللارینین سون 15 ایلده بؤیوک ماراق گؤردوگونه دقت چکن ارن 100-دن چوخ تورک سریالینین صادر ائدیلدیگینی وورغولادی.
باش مودیر ت.ر.ت-ده یاییملانان "دیریلیش ارتوغرول" سریالینین تورکیهنین یاییم تاریخینده ان بؤیوک ریتینگ گؤستریجیلریندن بیرینی الده ائتدیگینی قئید ائدهرک: ""دیریلیش ارتوغرول" 100-دن چوخ اؤلکهیه صادر ائدیلیر.
تورک سریاللاری نیه بو قدر آکتوالدیر؟ ایلک نؤوبهده،تورکیه چوخ کولتورلو بیر اؤلکهدیر. تورکیه مدنیتینده عائله چوخ اهمیتلیدیر. بونلار سریاللاریمیزدا عکس اولونور" دئدی.
ابراهیم ارن "خبر" آنلاییشینین مضمونوندان دانیشاراق:" ت.ر.ت اولاراق بیزیم "خبر" آنلاییشیمیزین اولوسلار آراسی سویهدکی مضمونا فرقلی بیر باخیش گتیرجگینه اومید ائدیریک. "خبر اوبجکتیو، بیطرف اولمالیدیر" دئییل، "خبر بالانسلی اولمالیدیر" دوشونجه سیندییک. قاتیل و مظلوما عینی مسافهده دورا بیلمریک. خبره حیس لری قاتماماق مومکون دئییل. هدفیمیز مرکزینده اینسان اولان، بو جوغرافیانین اؤزونه مخصوص لوغونو نظره آلان بیر خبر دیلینین یارادیلماسیدیر"دئدی.
ایلگیلیلی خبرلر
ایزمیر لیمانیندا ایکی کروز گمیسی دمیر (لنگر) سالیب
2024-جو ایلده تورکیه لیمانلارینا 2 میلیوندان چوخ توریست گؤزلنیر