سیاحت و حیات طرزی ژورنالی Travel+Leisure : تورکیهنی سئومهمیز اوچون چوخ سبب وار
مکتوبدا، "اوروپا ایله آسیانین کسیشمه نقطهسینده ایستانبول، دونیانین مدنی اولاراق ان ماراقلی شهرلریندن بیری" فیکیرلرینه یئر وئردی
![سیاحت و حیات طرزی ژورنالی Travel+Leisure : تورکیهنی سئومهمیز اوچون چوخ سبب وار](http://cdn.trt.net.tr/images/xlarge/rectangle/bosna/haberler/detay/susret-civilizacija-u-istanbulu.jpg?time=1719028312)
![thy-program-touristanbul-posluzio-16-hiljada-putnika_trt-bosanski-25435.jpg](http://cdn.trt.net.tr/images/xlarge/rectangle/bosna/haberler/detay/thy-program-touristanbul-posluzio-16-hiljada-putnika_trt-bosanski-25435.jpg?time=1719028312)
![türkiye istanbul.jpg](http://cdn.trt.net.tr/images/xlarge/rectangle/ff43/d500/617d/575a99a3cf97e.jpg?time=1719028312)
![u-prvih-osam-mjeseci-istanbul-posjetilo-vise-od-7-miliona-turista_trt-bosanski-29259.jpg](http://cdn.trt.net.tr/images/xlarge/rectangle/bosna/haberler/detay/u-prvih-osam-mjeseci-istanbul-posjetilo-vise-od-7-miliona-turista_trt-bosanski-29259.jpg?time=1719028312)
دونیانین ان چوخ اوخونان آیلیق سیاحت و حیات طرزی ژورناللاریندان Travel+Leisure ، "تورکیهنی سئومهمیز اوچون چوخ سبب وار" باشلیقلی بیر یازی یاییملایاراق، ایستانبول و تورکیهیه دستک وئردی.
دونیا سویهسینده ایلده 4،8 میلیون اوخوجویا چاتان، مرکزی نیویورکدا اولان سیاحت ژورنالی Travel+Leisure-ین رداکتورلاریندان اریکا اوون، "ایستانبولداکی فاجعه سارسیجییدی آنجاق ایستانبول و تورکیه، اورییمیزده خصوصی بیر یئره صاحب" ایفادهلرینی ایستیفاده ائدهرک، تروریزمین گئرچک بیر تهدید اولدوغونو آنجاق اینسانلاری سیاحت ائتمکدن قورخماغا ایتممسی لازیم اولدوغونو وورغولادی.
تورکیهنین صاحب اولدوغو گؤزللیکلری "بنزرسیز" اولاراق خاراکتریزه ائدن اوون، "کشف ائدیلمگی گؤزلهین تاریخی"، "دونیا سویهسیندکی اوتللری"، "مدنی و هنری تجروبهسی"، "گئنیش آلوئر ایمکانلاری" و "خارق العاده منظرهلری" کیمی باشلیقلار آلتیندا تورکیهنی نییه چوخ سئودیکلرینی ایضاح ائتدی و بو اؤلکهیه گئتمکدن ایمتیناع ائتمهیهجکلرینی ایفاده ائتدی.
ژورنالین باش رداکتورو جفریس بلاکربی ده ژورنالدا یئر آلان قیسا مکتوبوندا،
"سئچیلمیش شهرلریمیز بیری اولان ایستانبول، قدیم و معاصر مدنیتلرین قوووشدوغو هیجان وئریجی بیر یئر" ایفادهلرینی ایستیفاده ائتدی.
رداکتورلاردان نتهان لمپ ده قلمه آلدیغی مکتوبدا،
"اوروپا ایله آسیانین کسیشمه نقطهسینده ایستانبول، دونیانین مدنی اولاراق ان ماراقلی شهرلریندن بیری" فیکیرلرینه یئر وئردی.
ایلگیلیلی خبرلر
![بودرومدا سو آلتی پارکی آچیلدی](http://cdn.trt.net.tr/images/medium/rectangle/fd4a/b595/ae6d/6669ac2dabb12.jpg?time=1719028312)
بودرومدا سو آلتی پارکی آچیلدی
سو آلتی پارکینین ۱.جی آشاماسی آچیلیش فعالیتی، بیتز سولارینداکی گؤرهجهک آداسیندا گئرچکلشدیریلدی