افسانه بوکسچو محمد علی‌نین جنازه مراسیمی اوچون حاضرلیق‌لار داوام ائدیر
محمد علی‌نین جنازه نامازینی، اؤزو کیمی سونرا‌دان ایسلامی سئچن آمریکا‌لی مسلمان لیدرلردن ایمام زاید شاکیر ائتدیره‌جک
افسانه بوکسچو محمد علی‌نین جنازه مراسیمی اوچون حاضرلیق‌لار داوام ائدیر ...
محمد علی، وصیعتینه اویغون شکیلده جمعه گونو دفن ائدیله‌جک.
علی‌نین جنازه‌سی، دوغولوب بؤیودوگو یئر اولان، کنتوکی‌ده لویسویل شهرینه آپاریلدی.
شهرین بلدیه باشقانی، جنازه مراسیمینی، مشهور بوکسچو ایللر اوّل شخصاً پلانلادیغینی؛ بو پلانا اویغون شکیلده، محمد علی‌نی حاق ائتدیگی بؤیوک حؤرمت و سئوگی ایچینده سون سفرینه اوغورلایاجاق‌لارینی آچیقلادی.
بو آرادا، علی‌نین اوشاق‌لیغی‌نین کئچدیگی ائو زیارتچی آخی‌نینا اوغراییر ...
شهر ساکین‌لری، شامپیون ایدمانچی آدینا تیکیلن محمد علی مدنیت مرکزینی ده چیچک‌لرله بزنیر ...
محمد علی‌نین جنازه نامازینی، اؤزو کیمی سونرا‌دان ایسلامی سئچن آمریکا‌لی مسلمان لیدرلردن ایمام زاید شاکیر ائتدیره‌جک.
مراسیمه، فرق‌لی دین‌لره منسوب دین آدام‌لاری دا قاتیلا‌جاق.
جنازه مراسیمینه، اسکی آمریکا پرزیدنتی بیل کلینتون، پرزیدنت رجب طیب اردوغان، اوردون کرا‌لی عبدالله کیمی دولت آدام‌لاری‌نین یانیندا بیر چوخ مشهورون دا آرا‌لاریندا اولدوغو 18 مین نفرین قاتیلماسی گؤزلنیلیر.
ایللرجه رینگ فیرتینا کیمی اسن افسانه بوکسچو محمد علی، تنفوس یول‌لارین‌داکی ناراحات‌لیق سببیله معا‌لیجه گؤردوگو خسته‌خانادا، هفته سونوندا حیاتینی ایتیرمیشدی.
74 یاشین‌داکی دونیا شامپیونو بوکسچو، اوزون مدت‌دیر پارکینسون خسته‌لیگیله موباریزه ائدیردی.
ایلگیلی‌لی خبرلر
بودرومدا سو آلتی پارکی آچیلدی
سو آلتی پارکینین ۱.جی آشاماسی آچیلیش فعالیتی، بیتز سولارینداکی گؤره‌جه‌ک آداسیندا گئرچکلشدیریلدی
ایستانبولا گلن خاریجی توریست‌لرین سایی 5 میلیونو اؤتوب
بو ایلین ایلک اوچ آییندا ایستانبولا گلن خاریجی توریست‌لرین سایی 5 میلیونو اؤتوب.
