تورکیهده ایلک دفعه "لیلی و مجنون" اوپراسی
مسلمان شرقینین ایلک اوپراسی ساییلان، آذربایجانین داهی بستکاری اوزئییر حاجی بی اوفون موسیقیسی ایله بؤیوک شاعر محمد فضولینین شعریندن یارانان "لیلی و مجنون"
تورکیهده ایلک دفعه "لیلی و مجنون" اوپراسی
اوپرانین تورکیه تاریخینده ایلک دفعه اولاراق آنکارا دولت اوپرا و بالت تئاتریندا می آیینین 14-ونده پرمیراسی اولدو.
آچیلیش دانیشماسینی آذربایجانین تورکیهدکی سفیری فایق باغیروو ائدهرک شرق خالقلاری آراسیندا مشهور اولان بو عرب روایتینین ایلک دفعه پوئما حالینا آذربایجانین بؤیوک شاعری نظامی گنجوینین (1141-1209) گتیردیگینی و 2 عصر سونرا ایسه محمد فضولینین (1494-1556) قلمیندن ذیروه نقطهسینه چاتدیغینی سؤیلهدی.
سونرا پرده قالدیریلدی و "لیلی و مجنون" اوپرانین آکتوری سئلوا اردنر (لیلی) و آذربایجانین خالق آرتیستی منصوم ایبراهیموو (مجنون)، عینی زاماندا تئاترین دیگر ووکال صنعتکارلارینین ایفاسیندا تاماشاچیلارا تقدیم اولوندو.
آنکارا دولت اوپرا و بالت تئاتریندا صحنهلشدیریلن اوپرانین یؤنتمنی، تئاتر صنعتی عذره پروفسور افلاطون نعمتزاده، اورکستر دیریژورو، موسیقی صنعتی عذره پروفسور فخرالدین کریموو، کوستوملار عذره متخصص ساواش جامگؤزدور.
"لیلی و مجنون" اوپراسی آنکارادا می آیینین 16 و 19 تاریخلرینده ده گؤستریلهجک. می آیینین 16-سیندا اولاجاق تاماشادا باش روللاری آذربایجانین امکدار آرتیستی ایلکین احمدوو، خواننده آرزو علیئوا، آیین 19-اوندا ایسه منصوم ایبراهیموو و آرزو علیئوا پایلاشاجاق.
قید ائدک کی، 1907-1908-جی ایللرده یازیلان و آذربایجانین پایتختی باکی شهرینده ایلک دفعه صحنهیه قویولان "لیلی و مجنون" اوپراسی دونیادا شرق و غرب تاریخینده موغام و اوروپا اوپراسینین عضوی وحدتیندن یارانان ایلک اوپرا.