تورک یؤنهتمنین فیلمینه بیر اؤدول داها
دنیز غمزه ارگوون، "موستانگ، آوروپا بیرلیگینین ایدهآللارینی تمثیل ائدیر" دئدی
آوروپا پارلمانی لوکس سینماسی اؤدولونو دنیز غمزه ارگوونین "موستانگ" فیلمی آلدی.
آوروپا پارلمانینین استرازبورگ اوتوروموندا، اؤدوله تورکیه-آلمانیا-فرانسا اورتاق یاپیمی "موستانگ"ین لاییق گؤرولدوگو بیلدیریلدی.
2015-جی ایلین ان چوخ دانیشیلان فیلملریندن بیری اولان "موستانگ"، یاریشماداکی رقیبلری، مدیترانه و اوروکو گئریده بوراخاراق ایلین ان یاخشیسی سئچیلدی.
اؤدولو آوروپا پارلمانی باشقانی مارتین شولزدان آلان فیلمین یؤنهتمنی دنیز غمزه ارگوون، "موستانگ، آوروپا بیرلیگینین ایدهآللارینی تمثیل ائدیر" دئدی.
فرانسانین خاریجی دیلده ان یاخشی فیلم دالیندا آکادمی اؤدولو نامیزدی اولان "موستانگ"، قارادنیزده بیر ساحیل قصبهسینده ننهلرینین یانیندا بؤیوین 5 قیزین معروض قالدیغی اجتیماعی باسقی و اؤزگورلوک آختاریشلارینی قونو آلیر.
فیلم، کنده یوروپ سینماس لیبل اؤدولونه ده لاییق گؤرولموش و 21.جی سارایئوو فیلم فستیوالیندا "ان یاخشی فیلم" بؤیوک اؤدولونو و ان یاخشی قادین اویونچو اؤدولونو قازانمیشدی.
لوکس سینما اؤدولو، هر ایل آوروپا قونولو فیلملری تشویق ائتمک اوچون آوروپا پارلمانی طرفیندن وئریلیر.
ایلگیلیلی خبرلر
بودرومدا سو آلتی پارکی آچیلدی
سو آلتی پارکینین ۱.جی آشاماسی آچیلیش فعالیتی، بیتز سولارینداکی گؤرهجهک آداسیندا گئرچکلشدیریلدی
ایستانبولا گلن خاریجی توریستلرین سایی 5 میلیونو اؤتوب
بو ایلین ایلک اوچ آییندا ایستانبولا گلن خاریجی توریستلرین سایی 5 میلیونو اؤتوب.