گوندم آنالیز: 45
ایرانا تطبیق اولونان تحریم لر و مومکون اولان نتیجهلری
امریکا پرزیدنتی دونالد ترامپین اوباما دؤورونده 5+1 فورماتیندا کئچیریلن گؤروشلر نتیجهسینده ایمضالانان نوکلئر پروقرامینا دایر سازیشدن تک طرفلی چیخماسیندان سونرا امریکانین خزینه ناظیرلیگی ایرانا قارشی تطبیق اولوناجاق تحریم لرین ایلک مرحلهسینی آوقوستون 7-ده حیاتا کئچیردی. ایرانا قارشی تحریم لرین ایکینجی مرحلهسی ایسه امریکانین خزینه ناظیرلیگینین اعلان ائتدیگی 180 گونلوک مودتین باشا چاتماسی ایله نوامبرین 5-ده ایستارت گؤتوردو. امریکا طرفیندن اعلان ائدیلن تحریم لر خصوصیله ایرانین انرژی، نقلیات، لجستیک، سیغورتا (بیمه) شیرکتلری کیمی ساحهلری هدف گؤتورور.
امریکانین ایلک مرحلهده اعلان ائتدیگی تحریم لر ایله ایرانین امریکا دولاری الده ائتمهسینه، دؤولت استقراض ورقهسی ساتماسینا، قیزیل و دیگر قیمتلی معدنلر ایله پولاد، آلومینیوم، کؤمور کیمی مئتاللارلا تیجارت ائتمهسینه، یولجو اوچاغی یاخود پارچالارینین وارداتینا مانع اولدو. تحریم لرین ایکینجی مرحلهسینده ایسه ایران میللی نفت شیرکتی، ایران نفت تیجارت شیرکتی و میللی تانکر شیرکتینه اولوسلار آراسی محدودیتلر قویولدو. ایقتیصادیاتی بؤیوک میقیاسدا نفتدن آسیلی اولان ایراندان نفت و محصوللارینین ساتیشینا قاداغا قویالاجاق.
امریکا پرزیدنتی ترامپین نوکلئر پروقرامی سازیشیندن تک طرفلی چیخماسی ایله ایرانا قارشی تحریم لر آراسیندا اؤنملی باشلیقلاردان بیری ده دونیا میقیاسیندا بانکلار آراسیندا الکترون فوند ترانسفرینه ایمکان یارادان “SWİFT” سیستمیدیر. امریکانین تحریملری چرچیوهسینده “SWİFT” مرکزیندن یاییلان معلوماتدا SWİFT بیر سیرا ایران بانکلارینین سیستمه داخیل اولماسینی دوردوردو ایفادهسی یئر توتدو. ایرانا تطبیق اولونان تحریم لرین دیگر هدفی ایسه مالیه قوروملاری اولدو. خاریجی مالیه قوروملارین ایران مرکزی بانکی و معین مالیه قوروملاری ایله فعالیتلری محدود ائدیلدی. همچنین تحریم لر چرچیوهسینده 700-دن آرتیق ایرانلی شخص و قورومون قارا سیاهییا علاوه اولوندوغو امریکانین خزینه ناظیری طرفیندن اعلان ائدیلدی. ایرانا قارشی حیاتا کئچیریلن بوتون تحریملره باخمایاراق، آغ ائوین میللی تهلوکهسیزلیک عذره مسلهتچیسی جون بولتون "ایرانا حاضردا تطبیق ائتدیگیمیز تحریم لردن داها چوخونو تطبیق ائدجییک. سابیق پرزیدنت باراک اوباما دؤورونده تطبیق اولونان تحریم سویهسیله محدود قالینمایاجاق.
امریکا طرفیندن اعلان ائدیلن تحریم لرین موقتی اولاراق 8 اؤلکهیه شامیل اولونمایاجاغی بیلدیریلدی. چین، هیندیستان، ایتالیا، یونانیستان، تورکیه و ژاپن، گونئی کره و تایوان-ا موقتی اولاراق تحریم شامیل اولونمایاجاق. بو چرچیوهده جمهور باشقانی رجب طیب اردوغان وئریلن سوال قارشیسیندا دئییب کی، بو تحریم لر مسئله سینده هر شئی دقیق دئییل، اما بو تحریم لر دوزگون دئییل. چونکی بیزه گؤره بوتون تحریم لر دونیانین بالانسینی پوزماق اوچون آتیلان آددیملاردیر. بونلار اولوسلار آراسی حقوقا دا، دیپلوماسییه ده ضیددیر. آرتیق دونیا باریشا اساسلانان پروسهسی یاشاماق ایستییر. یعنی امپریالیست بیر دونیادا یاشاماق ایستمیریک. اینسانلارین بو نقطهده داها دینج، سوله و تهلوکهسیزلیک ایچینده یاشادیقلاری بیر دونیا ایستیریک. منیم ایمکانیم و گوجوم وار، موناسیبتیله من هر شیی ائدرم اولمامالیدیر. حاضردا آتیلان آددیملاردا آوروپا بیرلیگی و آوروپا بیرلیگی اؤلکهلرینین دئمهلی هامیسینا یاخینی بو ایشه مثبت یاناشمیر. اؤلکهلرین بو مسئله ده کی فیکیرلری فرقلی یئردهدیر.
همچنین تورکیه-نین ایراندان انرژی وارداتینا دا دقت چکن اردوغان "تحریم لر مسئله سینده بیزیم موضعیمیز هر زامان معلومدور. آیریجا نفتله علاقهلی موضوع لاردا بیز هر زامان دئییریک کی، بونلار آلتئرناتیوی اولمایان شئیلردیر، موناسیبتیله بو تحریمم لارا قطعیت ایله عمل ائتمریک. بیز بو اؤلکهدن حاضردا 10 میلیارد مکعب متر طبیعی گاز ساتین آلیریق. بو گازی آلمادیغیمیز زامان، وطنداشیمیز قیشین اورتاسیندا دوناجاقدیرمی؟ بیز بئله بیر قرارا عمل ده، قبول دا ائده بیلمریک" دئیه وورغولاییب.
اوخشار شکیلده روسیانین خاریجی ایشلر ناظیری سرگئی لاوروف امریکانین ایرانا قارشی تحریم لرینین غیری-قانونی و بمت تهلوکهسیزلیک شوراسینین قرارلارینی آچیق شکیلده پوزدوغونو سؤیلهدی.
فرانسا، چین و آلمانیا دا ایرانا قارشی تحریم لره اعتراضلارینی دیله گتیرن اؤلکهلر سیراسیندادیر. لاکین امریکانین دونیا میقیاسینداکی گوجو، هئگئمونلوغو و تأثیری سببیندن اعتراض ائدن اؤلکهلرین اهمیتلی شیرکتلری تحریم لره عمل ائدهجکلرینی بیلدیردیلر.
تورکیهنین گوندمینه دایر تحلیل پروقرامینین نوبتی بؤلومونده سیاست، ایقتیصادیات و جمعیت آراشدیرمالاری فوندونون امکداشی جان آجونون " ایرانا تطبیق اولونان تحریم لر و مومکون اولان نتیجهلری " باشلیقلی آنالیتیک یازیسینی تقدیم ائتدیک.