نیجریه‌ده هر 3 اوشاقدان بیری غذا یوخسوللوغو یاشاییر
نیجریه حؤکومتی اؤلکه‌ده ارزاق تهلوکه‌سی سببییله جون-جولای-آگوست آیلاریندا 32 میلیون اینسانین کسکین آجلیقلا اوزلشه‌جیینی بیلدیریر
بیلدیریلیب کی، نیجریه‌ده هر ۳ اوشاقدان 1-ی موناقیشه، ایقلیم بؤحرانلاری و برابرسیزلیک سببین‌دن جیدّی غذا یوخسوللوغو یاشاییر.
بیرلشمیش میللتلر تشکیلاتینین اوشاق فونونون (یونیسف) نیجریه نوماینده‌لیگیندن ائدیلن آچیقلامادا، نیجریه‌ده شیدتلی غذا یوخسوللوغوندان اذیت چکن اوشاقلارین نیسبتینین 2012-جی ایلده‌کی یوزده 45-دن 2022-جی ایلده یوزده 32-یه دوشه‌رک داواملی بیر آزالما گؤستردیگی ایفاده ائدیلدی.
آچیقلامادا، نیجریه‌ده تخمینا هر 3 اوشاقدان 1-نین قارشیدورما، ایقلیم بؤحرانلاری و برابرسیزلیک سببین‌دن جیدّی غذا یوخسوللوغو یاشادیغی قید ائدیلیب.
بو وضعیتین اوشاقلارین حیاتی تهلوکه‌سی اولان غذا چاتیشمازلیغی ایله اوزلشمه احتیمالینی یوزده 50-یه قدر آرتیرا بیله‌جیی بیلدیریلن آچیقلامایا، "نیجریه آغیر غذا یوخسوللوغو ایچینده یاشایان 181 میلیون اوشاغین اوچده ایکیسینی قبول ائدن 20 اؤلکه آراسیندادیر." بَیاناتی داخیل ائدیلیب.
بَیاناتدا دئییلیر کی، بوتون دونیادا و نیجریه‌ده بیر نئچه عامیل او جومله‌دن اوشاقلاری مقوی، تهلوکه‌سیز و ال‌چاتان سئچیملرله تامین ائده بیلمه‌ین غذا سیستملری اوشاق غذا یوخسوللوغو بؤحرانینی گوجلندیریر.
نیجریه حؤکومتی و اولوسلارآراسی خیلاص ائتمه کومیته‌سینین (IRC) درج ائتدیگی حئساباتدا اؤلکه‌ده ارزاق تهلوکه‌سی سببییله جون-جولای-آگوست آیلاریندا 32 میلیون اینسانین کسکین آجلیقلا اوزلشه‌جیی بیلدیریلیر.
