جو بایدن گ7 لیدرلر زیروه‌سینده ایشتیراک ائده‌جک
جو بایدن 13-15 جون تاریخلرینده ایتالیانین آپولیا بؤلگه‌سینده کئچیریله‌جک گ7 زیروه‌سینه قاتیلاجاق
2151523
آمریکا پرزیدنتی جو بایدن ایتالیادا کئچیریله‌جک گ7 لیدرلر زیروه‌سینده ایشتیراک ائده‌جک.
آغ ائودن وئریلن یازیلی آچیقلامایا گؤره، جو بایدن 13-15 جون تاریخلرینده ایتالیانین آپولیا بؤلگه‌سینده کئچیریله‌جک گ7 زیروه‌سینه قاتیلاجاق.
اساس مؤوضوعنون غزه‌ده آتیش‌کس اولاجاغی گؤزلنیلن زیروه‌ده گ7 لیدرلری اوکراینا وئریلن دستک حاقیندا دا فیکیرلرینی بیلدیره‌جک و موحاریبه‌نین گئدیشاتینی دَیرلندیره‌جک.
بایدنین زیروه چرچیوه‌سینده اوکراین پرزیدنتی ولادیمیر زلنسکی ایله ده گؤروشه‌جیینی بیلدیرن آغ ائو آمریکانین روسیه‌یه قارشی اوکراینا گوجلو دستیینی داوام ائتدیره‌جیینی وورغولاییب.
