۲۰۲۳ ان چوخ سلاحلی چاتیشمالارین یاشاندیغی ایللردن بیری اولدو
ئچه‌ن ایل ۲۸ی آفریقا قاره‌سینده اولماق اوزره دونیادا ۵۹ چاتیشما یاشاندیغی وورغولاندی
دونیادا گرگینلیک و شدتین آرتماسییلا ۲۰۲۳، ان چوخ سلاحلی چاتیشمالارین یاشاندیغی ایللردن بیری اولاراق ثبت ائدیلدی.
نروژده‌‌کی اوسلو باریش آراشدیرمالاری انستیتوسو طرفیندن ائدیله‌ن آراشدیرمادا، ایکینجی دونیا ساواشینین سونا چاتماسیندان (۱۹۴۵) بو یانا ۲۰۲۳ون دونیادا شدتین و ان چوخ سلاحلی چاتیشمالارین یاشاندیغی ایللردن بیری اولدوغو ایفاده ائدیلدی.
آراشدیرمادا، گئچه‌ن ایل ۲۸ی آفریقا قاره‌سینده اولماق اوزره دونیادا ۵۹ چاتیشما یاشاندیغی وورغولاندی.
آراشدیرما لیدئری سیری آس روستاد، "سویوق ساواشین سونا چاتماسیندان بو یانا، دونیاداکی شدت بوتون زامانلارین ان یوکسک سویه‌سینده‌دیر" ایفاده‌لرینی ایشلتدی.
چاتیشمالارین گئده‌رک داها قاریشیق حالا گلدیگینی ایفاده ائد‌ن روستاد، فرقلی اؤلکه‌لرین یانیندا عینی اؤلکه‌ده ده چوخ ساییدا چاتیشما یاشانابیلدیگینی ایفاده ائتدی.
آراشدیرمادا، سون ۳ ایلده چاتیشمالاردا اؤلنلرین ساییسینین، سون ۳۰ ایلده عینی وضعیتدن اؤلنلردن چوخ اولدوغو وورغولاندی.
۲۰۲۳ده ۱۲۲ میندن چوخ اینسانین چاتیشمالاردا حیاتینی ایتیردیگی خاطیرلادیلان آراشدیرمادا، گئچه‌ن ایل ایچریسینده ۳ آی کیمی قیسا بیر مدتده اوکراینادا ۷۱ مین، غزه‌ده ۲۳ مین اینسانین حیاتینی ایتیردیگی قید ائدیلدی.
سوئدده‌‌کی اوپسالا اونیورسیته‌سی چاتیشما بیلگی پروگرامی بیلگیلریندن ایستیفاده ائدیلدیگی آراشدیرمانین ۱۹۴۶-۲۰۲۳ کۆره‌سل چاتیشمالاری اله آلدیغی قید ائدیلدی.
