نروژین خاریجی ایشلر ناظیری: نروژ بنیامین نتانیاهو و یوآو گاللانتی حبس ائده‌جک
نروژین خاریجی ایشلر ناظیری اسپن بارث ایدی، اولوسلارآراسی جنایت محکمه‌سینین نتانیاهو و گاللانتا قارشی "حبس قراری" طلبی ایله باغلی نروژ مطبوعاتینا قیمتلندیرمه‌لر ائدیب
اولوسلارآراسی جنایت محکمه‌سی ایسرائیلین باش ناظیری بنیامین نتانیاهو و مودافیعه ناظیری یوآو گاللانتین حبسینه حکم وئررسه، نروژ بونو ایجرا ائده‌جک.
نروژین خاریجی ایشلر ناظیری اسپن بارث ایدی، اولوسلارآراسی جنایت محکمه‌سینین نتانیاهو و گاللانتا قارشی "حبس قراری" طلبی ایله باغلی نروژ مطبوعاتینا قیمتلندیرمه‌لر ائدیب.
اولوسلارآراسی جنایت محکمه‌سینین حبس قراری چیخارسا و نروژ اراضیسینه داخیل اولارسا، نتانیاهو و گاللانتی حبس ائتمه‌لی اولاجاقلارینا ایشاره ائدن ایدی، عینی پروسه حبس قراری تدبیرینین سئچیلمه‌سی دوروموندا فیلیسطینین مقاویمت حرکاتینین حماس لیدئری اوچون ده تطبیق ائدیله‌جیینی بیلدیریب.
ایدی قید ائدیب کی، عینی پروسه دیگر اوروپا اؤلکه‌لرینده ده کئچرلیدیر.
نروژ حبس قراری وئریله‌جیی تقدیرده نتانیاهونو حبس ائده‌جیینی اعلان ائدن ایلک اوروپا اؤلکه‌سی اولدو.
اولوسلارآراسی جنایت محکمه‌سینین باش ساوجیسی کریم خان می آیینین 20-ده نتانیاهو و مودافیعه ناظیری گاللانتا قارشی «حبس قراری» اوچون موراجیعت ائتدیگینی آچیقلاییب.
اولوسلارآراسی جنایت محکمه‌سینین وئردیگی آچیقلامایا گؤره، خان، ایسرائیلین باش ناظیری نتانیاهو و مودافیعه ناظیری یوآو گاللانتدان علاوه، حماس سیاسی ایداره‌سینین رهبری ایسماعیل هنیه، حماسین غزه‌ده‌کی لیدری یحیی سنوار و حماسین حربی قانادی قسام توغایلاری لیدری محمد ضیف-ه قارشی دا "حبس قراری" اوچون مراجیعت ائتمیشدی.
