چاتیشمالاردا وطنداش اؤلوملری یوزده ۷۲ آرتدی
جویس مسویا، غزهده اون مینلرجله اینسانین اؤلدورولدوگونو و "اوشاقلارا قارشی ساواش" اورتایا چیخدیغینی ایفاده ائتدی
![چاتیشمالاردا وطنداش اؤلوملری یوزده ۷۲ آرتدی](http://cdn.trt.net.tr/images/xlarge/rectangle/8ac3/1134/dde2/65233da49ad30.jpg?time=1722043462)
دونیاداکی چاتیشمالاردا نظامی اولمایان وطنداش اؤلوملری ۲۰۲۳ده بیر اؤنجهکی ایله گؤره یوزده ۷۲ آرتیشلا ۳۳ مین اولاراق ثبت ائدیلدی.
بیرلشمیش میللتلر اینسانی ایشلردن مسئول باش کاتیب کؤمکچیسی و عاجیل کؤمک مسئولو کؤمکچیسی جویس مسویا، ب بیرلشمیش میللتلر گۆونلیک شوراسیندا تشکیل ائدیلهن اوتورومدا، باش کاتیب آنتونیو گوترشین چاتیشمادا وطنداشلارین قورونماسینا باغلی ایللیک راپورو حاقیندا عضولری بیلگیلندیردی.
مسویا، ۲۰۲۳ون وطنداشلارین چاتیشمادا قورونماسی باغلامیندا پیس بیر ایل اولدوغونا دقت چکهرک، حماسین ۷ اکتبر سالدیریسی ایله ایسرائیلین غزهده او تاریخدن بو یانا سۆرهن سالدیریلاری نتیجهسینده داها اؤنجه گؤرولمهمیش سویهلرده اؤلوم، ییخیم و آجی اورتایا چیخدیغینی قید ائتدی.
"غزه خالقینین یوزده ۷۵ی زورلا یئریندن ائدیلدی" ایفادهسینی ایشلدن مسویا، اینسان الی ایله یارادیلان بیر قیتلیغین قاپیدا اولدوغونو بیلدیردی.
جویس مسویا، غزهده اون مینلرجله اینسانین اؤلدورولدوگونو و "اوشاقلارا قارشی ساواش" اورتایا چیخدیغینی ایفاده ائتدی.
سوداندا دا ۲۰۲۳ده قورخونج بیر چاتیشما اولدوغونو خاطیرلادان مسویا، اون مینلرجه وطنداشین اؤلدورولدوگونو و مینلرجهسینین ده یارالاندیغینی دیله گتیردی.
مسویا، دیگر طرفدن کونگو دموکراتیک جمهوریتی، میانمار، نیجریه، ساحل، سومالی، سوریه و اوکراینادا دا داوام ائدن چاتیشمالارین وطنداشلار اوزریندهکی تأثیرینه ایشاره ائدرک، "بیرلشمیش میللتلر، گئچهن ایل ۳۳ مین وطنداش اؤلومو ثبت ائتدی. گئرچک رقملرین چوخ داها یوکسک اولدوغونو دۆشونوروک. بو بیر اؤنجهکی ایله گؤره یوزده ۷۲لیک بیر آرتیشدیر" دئدی.