اوکراین ایستیخباراتی: چاسوو یارداکی تپه مؤقعینین ایتیریلمه‌سی آن مسئله‌سیدیر
ایستیخبارات اداره‌سی بو شهرده تپه مؤقعی موهوم اولدوغونو، چونکی ایتیریلسه، دونتسک ویلایتینین سونونجو بؤیوک شهرلرینه یول آچیلاجاغینی بیلدیریب
اوکراین باش ایستیخبارات اداره‌سینین رئیس موعاوینی وادیم اسکیبیتسکی دئییب کی، روسیه اوردوسونون چاسوو یار شهرینده‌کی تپه مؤقعینی اله کئچیرمه‌سی آن مسئله‌سیدیر.
"اکونومیست" قزئتینه موصاحیبه‌سینده اسکیبیتسکی بو شهرده تپه مؤقعی موهومدور، چونکی ایتیریلسه، دونتسک ویلایتینین سونونجو بؤیوک شهرلرینه یول آچیلاجاغینی بیلدیریب و "بو گون و یا صاباح دئییل البته کی، هر شئی بیزیم احتیاطلاریمیزدان و قایناقلاریمیزدان آسیلیدیر" شکلینده علاوه ائدیب.
اسکیبیتسکی روسیه‌نین دونتسک و لوهانسک بؤلگه‌لرینده‌کی بوتون دوغو شهرلرینی توتماغی پلانلاشدیردیغینی و بو هدفین 2022-جی ایلدن (موحاریبه باشلایاندان) دَییشمدیگینی بیلدیریب. بو مسئول اونو دا وورغولاییب کی، روسیه اوردولارینا 9 می، غلبه گونونه و یا ان آزیندان پرزیدنت ولادیمیر پوتینین پکنه سفری (بیر هفته سونرا) گونونه قدر اوغور الده ائتمک امری وئریلیب.
وادیم اسکیبیتسکی اوکرایندا سیلاح چاتیشمازلیغیندان ناراحاتلیغینی ایفاده ائدیب و آوریل/می آیلارینین اؤلکه اوچون همیشه چتین آیلار اولدوغونو بیلدیریب.
اسکیبیتسکینین سؤزلرینه گؤره، روسیه اوردوسو 2022-جی ایل ایله موقایسه‌ده داها موتشکیل، پلانلی و واحید قوماندانلیق آلتیندا فعالیت گؤستره‌جک.
ایلگیلی‌لی خبرلر
کنیسه‌نی یاندیرماغا چالیشان شخص اؤلدورولدو
فرانسادا پلیس، بیر کنیسه‌نی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقین‌لاردا 290-دان چوخ اینسان اؤلوب
کنیا-دا داشقین‌لاردا اؤلن‌لرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.
