پسکوو آمریکانین اوکراینا سیلاح گؤندرمه‌سینی قیمتلندیریب
پسکوو: موناقیشه بؤلگه‌سینده‌کی وضعیت چوخ معنالی و آیدیندیر. بونونلا بئله، یقین کی، حاضیرلانان بوتون یئنی سیلاح پارتیلرینین جبهه‌ده‌کی وضعیتی دییشمیه‌جیینی سؤیله‌مکدن یورولموروق
روسیه پرزیدنت سارایینین (کرملین) سؤزچوسو دمیتری پسکوو بیلدیریب کی، آمریکانین اوکراینا گؤندرمه‌یه حاضیرلاشدیغی سیلاحلار جبهه‌ده‌کی وضعیتی دییشمه‌یه‌جک.
پسکوو پایتخت مسکودا ژورنالیستلرین گونجل مؤوضوع‌لار ایله باغلی سئواللارینی جاوابلاندیریب.
آمریکانین اوکراینا سیلاح گؤندرمه‌سینی قیمتلندیرن پسکوو، "موناقیشه بؤلگه‌سینده‌کی وضعیت چوخ معنالی و آیدیندیر. بونونلا بئله، یقین کی، حاضیرلانان بوتون یئنی سیلاح پارتیلرینین جبهه‌ده‌کی وضعیتی دییشمیه‌جیینی سؤیله‌مکدن یورولموروق." دئدی.
روسیه پرزیدنتی ولادیمیر پوتینین داها اول ”اوکرایندا تهلوکه‌سیز بؤلگه یارادیلماسی لازیم اولدوغونو“ ایفاده ائتدیگینه دقت چکن پسکوو، بونونلا باغلی هئچ بیر دییشیکلیک اولمادیغینی وورغولاییب.
سؤزچو پسکوو اوکراینا اوزاق‌منزیللی راکت سیستملرینین تداروکو ایله باغلی سئوالی شرح ائتمیه‌جیینی و بونون روسیه سیلاحلی قووه‌لرینین اوزرینه دوشن وظیفه اولدوغونو بیلدیریب.
