ینس استولتنبرگ: ساوونما خرجلرینی آرتیرمالیییق، گرگینلیک آرتیر
ناتونون باش کاتیبی: اوکرایندا داوام ائدن ساواش و یاخین شرقدهکی قارشیدورمالارین ناتونون ساوونما خرجلرینی آرتیرماق مقصدینین اهمیتینی اورتایا قویدو
ناتونون باش کاتیبی ینس استولتنبرگ ”ساوونما خرجلرینی آرتیرمالیییق، گرگینلیک آرتیر“ دئییب.
ینس استولتنبرگ، بلژیکین پایتاختی بروکسلدهکی ناتو قرارگاهیندا هلندین موقتی حؤکومتینین باش ناظیری مارک روته، دانمارکین باش ناظیری مته فردریکسن و چک جمهوریتینین باش ناظیری پتر فیالا ایله بیرگه مطبوعات کونفرانسی کئچیریب.
باش کاتیب بیر ژورنالیستین ”ایران و ایسرائیل آراسیندا گرگینلیگین آرتماسینین بؤلگهسل موناقیشهیه چئوریلمهسی ریسکینی نظره آلاراق، غربین هم اوکراینی، همده یاخین شرقدهکی موناقیشهنی اداره ائده بیلهجک هاوا هوجوموندان ساوونما سیستمینه مالیک اولوب-اولماماسی“ سئوالینا "ناتو موتفیقلری بو قابیلیته مالیکدیرلر. بیز بیرلیکده دونیانین ساواش گوجونون 50 فایضینی تمثیل ائدیریک و گوجلو موتفیقلریمیز وار." شکلینده جاواب وئردی.
اوکرایندا داوام ائدن ساواش و یاخین شرقدهکی قارشیدورمالارین ناتونون ساوونما خرجلرینی آرتیرماق مقصدینین اهمیتینی اورتایا قویدوغونو ایفاده ائدن استولتنبرگ، "ساوونما خرجلرینی آرتیرمالیییق، گرگینلیک آرتیر. موتفیقلرین ائتدیگی ده محض بودور" دئدی.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی