آمریکادان حوثیلره هجوم
آمریکانین دونن یئرلی واختلا ساعت 09:00-دا یمنده حوثیلره مخصوص پیلوت‌سوز دنیز واسیطه‌سینه ”مدافعه هوجومو“ هیاتا کئچیردیگی بیلدیریلیب
آمریکا یمنده ایرانین دستکلدیگی حوثیلره مخصوص پیلوت‌سوز دنیز گمیسینی محو ائتدیگینی آچیقلاییب.
مسئله ایله باغلی آمریکا مرکزی قوماندانلیغینین (سنتکام) سوسیال مدیا حسابیندان آچیقلاما وئریلیب.
آچیقلامادا آمریکانین دونن یئرلی واختلا ساعت 09:00-دا یمنده حوثیلره مخصوص پیلوت‌سوز دنیز واسیطه‌سینه ”مدافعه هوجومو“ هیاتا کئچیردیگی بیلدیریلیب و بو حرکتین ” آمریکا قوه‌‌لر‌ینی قوروماق، سیر و سفر آزاد‌لیغینی تامین ائتمک و اولوسلارآراسی سو‌لاری داها تهلوکه‌سیز ائتمک“ اوچون گئرچکلشدیگی قید ائدیلیب.
قئید ائدک کی، ایرانین دستکلدیگی یمن-ده‌کی حوثی لر ایسراییلین غزه هوجوم‌لارینا رئاکسیا اولا‌راق ۳۱ اوکتبر ۲۰۲۳-جو ایلده یمن ساحل‌لرینده ایسراییل شیرکت‌لرینه باغلی اولدوق‌لارینی سؤیله‌دیک‌لری تیجارت گمیلرینی مصادیره ائتمه‌یه، بعضی‌لرینه ایسه پهپاد و راکت‌لرله هوجوم ائتمه‌یه باشلاییب‌لار.
حوثی لرین حرکت‌لریندن سونرا بیر چوخ گمیچی‌لیک شیرکتی قیرمیزی دنیزده‌کی سفرلرینی دایان‌دیرماق قرارینا گلیب.
آمریکا دسامبرین ۱۸-ده گلوبال دنیز تیجارتی تهلوکه‌سیزلیگینین خطر آلتیندا اولدوغو اساسی ایله بیر گروه اؤلکه‌نین اشتراکی‌‌یله حوثی قوه‌لرینه قارشی “رفاه محافظه‌چیسی” آدلی چوخ‌میللتلی “دنیز میسیون گروهو” یارادیلدیغینی آچیقلاییب.
آمریکا و بؤیوک بریتانیانین یمنده حوثیلرین نظارتینده اولان اراضیلره هوجوموندان سونرا حوثیلر آمریکا و بؤیوک بریتانیانین بوتون گمیلرینی حدف آلاجاقلارینی آچیقلاییبلار.
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
