ایسرائیل قطردهکی نماینده هیئتی گئری چاغیریب
ایسرائیل حماسین "افراط طلبلری" سببییله قطردن دانیشیقلار گروهونو گئری چاغیردیغینی آچیقلاییب
ایسرائیل غزهدهکی ساواشین تامامیله دایاندیریلماسی و ایسرائیل اوردوسونون بؤلگهدن تامامیله چیخاریلماسی دا داخیل اولماقلا، حماسین "افراط طلبلری" سببییله قطردن دانیشیقلار گروهونو گئری چاغیردیغینی آچیقلاییب.
باش ناظرلیگین مطبوعات ایدارهسیندن وئریلن آچیقلامادا، بیرلشمیش ملتلر تشکیلاتینین تهلوکهسیزلیک شوراسینین دونن تصدیقلدیگی غزهده رمضان آییندا تعجیلی آتیشکسین قالیجی و داواملی اولاجاغینی طلب ائدن قتعنامه لایحهسینه ایستیناد ائدیلهرک، حماسین بو رفتارینین "دانیشیقلارین داوام ائتدیریلمهسینده ماراقلی اولمادیغی و " بیرلشمیش ملتلر تشکیلاتینین تهلوکهسیزلیک شوراسینین قرارینین ووردوغو ضررین کدرلی گؤستریجیسی" اولدوغو ادعا ائدیلدی.
بیاناتدا ایسرائیل هیئتینین حماسین "افراط طلبلری"، او جملهدن ساواشین تامامیله دایاندیریلماسی و ایسرائیل اوردوسونون غزهدن تامامیله چیخاریلماسی ایله ایگیلی گئری چاغیریلدیغینا دقت چکیلهرک، "ایسرائیل حماسین خیالی طلبلرینه بویون ایمیهجک." ایفادهسی ایشلدیلدی.
ایسرائیل نماینده هیئتی غزهده محبوسلارین آزاد ائدیلمهسی ایله باغلی دانیشیقلارین یئنی دؤورو اوچون مارسین 18-ده قطرین پایتختی دوحهیه گئدیب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.