اینگیلیستان عالی محکمه‌سینین آسانژین آمریکایا اعاده قراری

اینگیلیستان عالی محکمه‌سی ویکیلیکسین حبسده اولان قوروجوسو جولیان آسانژین درحال آمریکایا اعاده ائدیله بیلمیه‌جیینه قرار وئریب.

عالی محکمه‌نین قرارلا باغلی ائتدیگی یازیلی آچیقلامادا، آمریکادان هئچ بیر تأمینات وئریلمه‌دیگی تقدیرده، آسانژین افاده‌ آزادلیغینین پوزولماسی، اؤلوم جزاسی آلما احتیمالی کیمی اساسلارلا شیکایت ائتمسینه اجازه‌ وئریله‌جیی بیلدیریلیب، آشاغیداکیلار قید ائدیلدی:

"بو تأمیناتلار وئریلمه‌سه، اعتیراض شیکایتی ایجازه‌سی وئریلجک، آردینجا اعتیراض محکمه‌سی کئچیریلجک. اگر تأمیناتلار وئریلرسه، طرفلره ایفاده‌ وئر‌مک اوچون علاوه‌ امکان وئریله‌جک و تأمیناتلارین ایناندیریجی اولوپ اولمادیقلارینی و اعتیراض اجازه‌سی‌یله باغلی نتیجه‌ قرار می آیینین 20-ده کئچیریله‌جک نوبتی محکمه‌ده آلیناجاقدیر."

2010-جو ایلین اکتبریندا آمریکانین عراق و افغانیستاندا تؤرتدیگی جینایتلری ثبوت ائدن مینلرله گیزلی سندی درج ائدن آسانژین وکیل‌لری و طرفدارلاری اونون آمریکایا اعاده ائدیله‌جیی تقدیرده 175 ایله قدر حبس جزاسی آلا بیله‌جیینی، آمریکا طرفی ایسه 4 ایلدن 6 ا‌یله قدر حبس جزاسی اولا بیله‌جیینی افاده‌ ائتدی.

جولیان آسانژین حیات یولداشی استلا آسانژ اؤتن آی وئردیگی آچیقلامادا محکمه‌نین ارینین اعاده‌سینه دایر قرار چیخاراجاغی تقدیرده اوروپا اینسان حاقلاری محکمه‌سینه مراجعت ائده‌جکلرینی بیلدیرمیشدی.