کلمبیا ‌جمهورباشقانی غزه زولاغینی هیروشیما شهری‌ ایله مقایسه‌ ائدیب

کلمبیا ‌جمهورباشقانی گوستاوو پترو ایسرائیلین ‌هوجوملاری زامانی ‌غزه زولاغیندا 32 میندن چوخ اینسانین حیاتینی ایتیردیگینی ایفاده‌ ائده‌رک، بؤلگه‌ده‌کی حادثه‌لری اتم بومباسینین آتیلدیغی ژاپنون هیروشیما شهری‌ ایله مقایسه‌ ائدیب.

سوسیال مدیادا ‌غزه‌ده فیلیسطینلیلرین آجلیقدان اؤلمه‌سی ا‌یله باغلی خبری ایکس حسابیندا پایلاشات پترو:

"آمریکا هیروشیمایا اتم بومباسی آتاندا (1945-جی ایل آگوست) اورادا 77 میندن چوخ اینسان حیاتینی ایتیردی. بو گون ژاپندان چوخ کیچیک بیر اؤلکه‌ده یعنی فیلیسطینده، هیروشیمادان دا کیچیک بیر شهرده، یعنی غزه‌ده بومباردمانلاردا 32 میندن چوخ اینسان اؤلدو. عینی حکایه‌دیر." دئدی.

‌غزه‌ده تؤردیلن داغینتیلارا دقت چکن پترو ، "دونیانین بؤیوک پایتختلاری شعورسوزجا اؤز بؤیوک ساواش قوه‌لرینی بشریته اؤز امرلرینی وئر‌مک اوچون صرف ائدیرلر" قیمتلندیرمسینی ائتدی.

اکتبرین 7-دن ایسرائیلین ‌غزه زولاغینا تشکیل ائتدیگی ‌هوجوملاردا اکثریتی اوشاق اولماقلا 32 میندن چوخ فیلیسطینلی حیاتینی ایتیریب.