برزیلده سئل و تورپاق سوروشمه‌لرینده 27 نفر اؤلوب

برزیلین اسپیریتو سانتو ایالتی و ریودوژانیرو شهرینده لئیسان یاغیشلارین سبب اولدوغو سئل و تورپاق سوروشمه‌لرینده حیاتینی ایتیرنلرین سایی 27-یه یوکسلیب.
رسمیلر اسپیریتو سانتودا 19 نفرین، ریودوژانیرودا ایسه 8 نفرین داشقین و تورپاق سوروشمه‌سی نتیجه‌سینده اؤلدویونو بیلدیریب.
تخمیناً 7300 نفرین ائوینی ترک ائتملی اولدوغو، 6 نفرین ایتکین دوشدویو قید ائدیلیب.
جمهورباشقانی لوئیز ایناسیو لولا دا سیلوا مطبوعاتا وئردیگی آچیقلامادا حیاتینی ایتیرنلرین عائله‌لری‌ ایله آجی ایتکیلرینین غمینده شریک اولدوغونو و طبیعی فلاکتدن ضرر چکنلره یاردیم گؤستریله‌جیینی بیلدیریب.
بؤلگه‌ده گوجلو یاغیش و توفانلارین بیر مدت ‌ده داوام ائده‌جیی پایلاشیلیب.