پسکوو: روسیه‌نین ”خصوصی حربی عملیاتی“ ”ساواش وضعیتینه“ چئوریلیب
کرملین سؤزچوسو: بوتون باتی اوکراین طرفینده اونا قوشولاندا خصوصی حربی عملیات، بیزیم اوچون ساواش اولدو
روسیه جمهورباشقانی سارایینین (کرملین) سؤزچوسو دمیتری پسکوو روسیه‌نین اوکراینداکی حربی فعالیتینین ”خصوصی حربی عملیات“ کیمی باشلادیغینی، لاکین حاضردا ”ساواش وضعیتینده“ اولدوغونو بیلدیریب.
پسکوو روسیه‌نین ”آرگومئنتلر و فاکتلار“ قزئتینه وئردیگی آچیقلامادا اوکرایندا 24 فوریه 2022-جی ایل تاریخیندن بو یانا داوام ائدن ساواش ایله باغلی قیمتلندیرمه‌لر ائدیب.
روسیه‌نین اوکراینادا باشلاتدیغی حربی فعالیتلرین وضعیتینین زامانلا دییشدیگینی بیلدیرن پسکوو، "بلی، بو، خصوصی حربی عملیات کیمی باشلاییب" دئییب.
گئدیشاتین سونرادان ساواشا چئوریلدیگینی بیلدیرن پسکوو، "بیز ساواش وضعیتینده‌ییک. بوتون باتی اوکراین طرفینده اونا قوشولاندا بو، بیزیم اوچون ساواش اولدو. هر کس اؤز داخیلی سفربرلیگی اوچون بونو باشا دوشمه‌لیدیر." دئدی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
