فینلاندیا یئنی‌دن دونیانین ان خوشبخت اؤلکه‌سی سئچیلیب
فینلاندیا یئددینجی دفعه، دونیانین ان خوشبخت اؤلکه‌سی سئچیلیب.
فینلاندیا یئددینجی دفعه، دونیانین ان خوشبخت اؤلکه‌سی سئچیلیب.
بو باره‌ده “فوربس” معلومات یاییب.
بمت-نین سفاریشی ایله متخصصلر قروپو طرفیندن حاضیرلانان ایللیک "دونیا خوشبخت‌لیک راپورو"نا اساساً ایسکاندیناویا اؤلکه‌لری یئنی‌دن ان یوکسک پیله‌ده قرارلاشیب، دانیمارکا ایکینجی، ایسلاندیا اوچونجو، سوئد ایسه دؤردونجو یئرده‌دیر.
امریکا ایسه سیاهیدا گئریله‌ییب. بئله کی، اؤتن ایل 15-جی یئرده قرارلاشان اؤلکه، 2024-جو ایلده 23-جو یئره دوشوب. حتی ایلک ایگیرمی‌لیگه یئنی داخیل اولان کاستاریکا و لیتوانیا کیمی اؤلکه‌لر امریکانی گئریده قویوب.
بونا سبب کیمی، امریکا-دا خصوصاً ده گنج‌لر آراسیندا خوشبخت‌لیک سویه‌سی‌نین آشاغی دوشمه‌سی گؤستریلیب.
راپوردا سونونجو پیله‌ده افغانیستان (143-جو) قرارلاشیب.
قئید ائدک کی، راپورون درجی مارسین 20-ده قئید اولونان اولوسلار آراسی خوشبخت‌لیک گونونه تصادف ائدیر.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
