پسکوو ناتونون گونئی قافقازدا آرتان تماسلارینی دیرلندیریب

روسیه جمهورباشقالیغی سارایینین کرملین سؤزچوسو پسکوو ناتونون گونئی قافقازدا آرتان تماسلارینی دیقتله ایزلدیکلرینی بیلدیریب.

دمیتری پسکوو ناتونون باش کاتیبی ینس استولتنبرگین آذربایجان، گورجوستان و ارمنیستانا صفرلرینی دیرلندیریب.

سؤزوگئدن تماسلارین قافقاز اؤلکه‌لرینین ائگه‌من حقوقلاری اولدوغونو بیلدیرن پسکوو، ناتونون بؤلگه‌ده تأثیرینی و موجودلوغونو گئنیشلندیرمک جهدلرینین قافقازدا ثابتلییه و وضعیتین تخمین ائدیلیر اولماسینا تحفه‌ وئرجک کاراکتر داشیمادیغینی بیلدیریب.

پسکوو، استولتنبرگین صفرلرینین روسیه‌نین گونئی سرحدلرینین تهلوکه‌سیزلی‌یینه تهدید تشکیل ائدیب ائتمدی‌یی سوالینا جواب وئریب،

”بیز ناتونون قافقازدا موجودلوغونو قووتلندیرمک اوچون عمومی ایستیینی یاخشی بیلیریک و بو ایستک عادی گؤزله گؤرونور“، دئدی.

روسیه‌نین بو صفرلری دقتله ایزلدی‌یینی دئین پسکوو، موسکونین ایلک نوبه‌ده بو اؤلکه‌لرله علاقه‌لر و اَمکداشلیق یوللارینا دقت یئتیرمک نییتینده اولدوغونو وورغولاییب.