اوروپا بیرلیگینین آمریکایا ناوالنی تحریملری
اوروپا بیرلیگینه عضو ناظیرلر روسیه‌ده ساخلانیلان مخالف آلکسی ناوالنینین اؤلومونه گؤره ”مسئول اولانلارا“ تحریم تطبیق ائتمک قرارینا گلیبلر
اوروپا بیرلیگینین خاریجی علاقه‌لر و تهلوکه‌سیزلیک سیاستی اوزره عالی نماینده‌سی جوزپ بورل بیان ائدیب کی، اوروپا بیرلیگینه عضو ناظیرلر روسیه‌ده ساخلانیلان مخالف آلکسی ناوالنینین اؤلومونه گؤره ”مسئول اولانلارا“ تحریم تطبیق ائتمک قرارینا گلیبلر.
جوزپ بورل، خاریجی ایشلر ناظیرلرینین گؤروشوندن سونرا تشکیل ائدیلن مطبوعات کونفرانسیندا، هم اوروپا بیرلیگی، هم ده آمریکانین اوکراین اوچون "تعجیلی حرکته کئچملی اولدوغونو" وورغولادی و "ترانس آتلانتیک بیرلیک چوخ واجیبدیر" دئدی.
گؤروشه ویدئوکونفرانس واسطه‌سیله قاتیلان اوکراین خاریجی ایشلر ناظیری دمیترو کولبادان محاربه‌ده‌کی سون حادثه‌لرله باغلی معلومات آلدیقلارینی افاده ائدن بورل، اوکراینا دستیین آرتیریلماسی اوچون قرارلارین آلیندیغینی بیلدیریب.
بورل، بونلاردان بیرینجیسی؛ اوکراینا حربی یاردیم اوچون استفاده ائدیلن ”اوروپا صلح فونو“ 5 میلیارد یورو آرتیریلمالیسی، ایکینجیسی ایسه فوریه‌نین ۱۶-دا روسیه‌ده ساخلانیلان مخالفتچی آلکسی ناوالنینین اؤلومونه گؤره مسئولییت داشییانلارا قارشی تحریملرین تطبیقی باره‌ده قراردیر.
ناظیرلرین ناوالنینین ”قتلینده مسئول اولان 30-آ یاخین شخص و تشکیلاتا“ تحریم تطبیق ائتمک باره‌ده راضیلیغا گلدیکلرینی بیلدیرن بورل، سؤزوگئدن شخصلرین و قوروملارین آدلارینی آچیقلاماییب.
بورل توپلانتیدا روسیه‌نین دوندورولموش وارلیقلارینین دا گوندمده اولدوغونو قید ائدرک، عضو اؤلکه‌لرین بو وارلیقلاردان اوکراینا حربی دستیی آرتیرماق اوچون استفاده ائدیلمسینه "گوجلو دستک" اولدوغونو قید ائدیب.
