اوروپا ایتیفاقی مصر اوچون 7.4 میلیارد یورولوک دستک پاکتی وئره‌جک
اوروپا کمسیونونون نماینده هیئتینین قاهره‌یه صفری زامانی آچیقلانان راضیلاشما چرچوه‌سینده، اوروپا ایتیفاقی‌نین مصرله علاقه‌لری ”استراتژی طرفداشلیق“ سویه‌سینه یوکسلجک
اوروپا بیرلیگی اوروپا اؤلکه‌لرینه گئدن کؤچگونلرین سایینی آزالتماق اوچون مصره 7.4 میلیارد یورو آییراجاغینی آچیقلاییب.
اوروپا کمسیونونون صدری اورسولا فون در لاین، همچنین ایتالیا، بلژیک، اتریش، یونان و گونئی قبرس لیدرلریندن عبارت نماینده هیئتینین پایتخت قاهره‌یه صفری زامانی آچیقلانان راضیلاشما چرچوه‌سینده، اوروپا بیرلیگینین مصرله علاقه‌لری ”استراتژی طرفداشلیق“ سویه‌سینه یوکسلجک.
طرفلر آراسیندا یئنیلنه بیلن انرژی، تیجارت و تهلوکه‌سیزلیک ساحه‌لرینده اَمکداشلیغی آرتیراجاق راضیلاشما چرچوه‌سینده مصرین سارسیلمیش اقتصادینا اوچ ایل عرضینده دستک اولماق اوچون باغیش، وام و مالی قایناق آیریلاجاق.
اوروپا بیرلیگینین وئردیگی آچیقلامایا گؤره، حاضرلانان مالی پاکتی چرچوه‌سینده مصره 5 میلیارد یورو آشاغی فائیزلی وام وئریله‌جک، 1.8 میلیارد یورو یاتیریم ائدیله‌جک.
بوندان علاوه، 200 میلیون یوروسو کؤچ ایله موباریزه اوچون نظرده توتولموش 600 میلیون یورو باغیش وئریله‌جک.
اوروپا بیرلیگینین یوکسک روتبه‌لی رسمیسی بیلدیریب کی، اوروپا ایتیفاقی مالی قایناغین اَساس حیصه‌سی یئنی آیریلیب و بین‌المللی پول صاندیغی (IMF) ایله سیخ اَمکداشلیق چرچوه‌سینده حاضرلانیب و بو ایل 1 میلیارد یورولوق ”ماکرو-مالی“ بورج مالی قایناق تقدیم اولوناجاق.
فون در لاین بیلدیریب کی، قالان 4 میلیارد یورو اوروپا پارلامانینین تصدیقینه تابعدیر.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
