تورنتو پولیسینین اوغورلوغا قارشی چوخ فرقلی توصیه‌سی

کانادادا آرتان ائو و اتومبیل اوغورلوغونا قارشی پولیسدن فرقلی بیر تکلیف گلدی.

"ائوده هجوما معروض قالماماق اوچون اتومبیلین آچارلارینی اؤن قاپی گیریشینه بوراخین" توصیه‌سی وئرن پولیس سوسیال مدیادا لاغ مؤوضوسونا چئوریلیب.

تورنتودا ائو و اتومبیل اوغورلوغو آرتماسی مؤوضوسوندا، تهلوکه‌سیزلیک توپلانتیسی کئچیریلدی.

پولیس مارکو ریکی‌آردی بو گؤروشده وطنداشلارا اؤز آچارلارینی ائو اوغورلوقلارینین اونلارلا اوز-اوزه گلمه‌مک اوچون اونلاری تاپا بیلجیی یئرده ساخلاماغی تکلیف ائتدی و

"اؤز ائوینیزده هجوما معروض قالماق ایستمیرسینیزسه، آچارلارینیزی اؤن قاپی گیریشینده ساخلایین، چونکی اونلار سیزین اتومبیلینیزی اوغورلاماق اوچون ائوینیزه گیریللر، باشقا هئچ نه ایستمیرلر. اکثریتینده گئرچک سلاح وار و گوله دلودور، بونلار اویونجاق دئییل.“ دئدی.

بو سؤزلر سوسیال مدیا شبکه‌سینده یاییملا چوخلو سایدا اینسان پولیسه رئاکسییا وئریب. بیر شخص ایکسده "بئله‌ بیر دلیلیک باشاراجیقسیز دؤولتلرده اولور. ای میللت، ائوینیزه گیرمه‌ملری اوچون ماشینلارینیزی اوغورلاماغی آسانلاشدیرا بیلرسینیز؟ ساغ اولون." دئدی.

دیگری ایسه یازیب کی، آچارلاری ماشیندا قویسالار یاخشی اولار.

تورونتو پولیسی بو یازیلارلا ایکسده ترند مؤوضوسو اولدو. مینلرله پایلاشیمدا غضبلی افاده‌لر ایشلدیلیب.

رسمی آچیقلامادا تورونتو پولیسی، پولیس مأمورونون مباحثه‌لی توصیه‌لریندن باشقا تدبیر گؤروله بیلجیینی وورغولایاراق، اتومبیللرین گاراژدا ساخلانماسی، تهلوکه‌سیزلیک کامراسی دستیی، تعطیله گئدرکن سوسیال مئدیادا اعلان ائدیلمه‌مسی کیمی تدبیرلری اؤنریب.

رقملر گؤستریر کی، بؤیوک تورنتو بؤلگه‌سینده اتومبیل اوغورلوغو 2023-جو ایلده اولکی ایل‌له مقایسه‌ده 25 فائیز آرتایب.

بو دؤورده ائو اوغورلوقلارینین آرتیمی ۴۰۰ فائیزه چاتیب.