کونگو دموکراتیک جمهوریتینده عوصیانچی هجوملاری
ساکه شهری یاخینلیغیندا تهلوکهسیزلیک گوجلری ایله M23 عضولری آراسیندا شدتلی توققوشمالار داوام ائدیر
کونگو دموکراتیک جمهوریتینین دوغوسونداکی قوزئی کیوو ایالتینده عوصیانچیلارین هجومو نتیجهسینده بیرلشمیش ملتلر تشکیلاتینین 8 صلح حافظی گوجو یارالانیب.
قوزئی کیوو ایالتینین مرکزی، گومادان تخمیناً ۲۰ کیلومتر آرالیدا یئرلشن ساکه قصبهسینده امنیت کنترل خیدمتی حیاتا کئچیرن بیرلشمیش ملتلر تشکیلاتینین صلح حافظی گوجلرینه هجوم ائدیلیب.
هجوم زامانی 1-ی آغیر اولماقلا 8 صلح حافظی گوجو یارالانیب.
روآندا طرفیندن دستکلندیگی ادعا ائدیلن و ایلین اولیندن هجوملارینی آرتیران عوصیانچی 23 مارس حرکاتی (M23) استراتژی اهمیتلی قوزئی کیوو ایالتینین پایتختی گومانین ساکه قصبهسینه چاتیب.
M23 عضولری روآندا سرحدینده یئرلشن قوزئی کیوو ایالتینین روتشورو بؤلگهسیندهکی بیر چوخ یاشاییش منطقهسینه نظارتی اَله کئچیرمیش و قوزئی کیوو ایالتینین مرکزی حکومتله قورو علاقهسینی کسرک گومایا گئدن ایکی اَساس یولو باغلامیشدی.
ساکه شهری یاخینلیغیندا تهلوکهسیزلیک گوجلری ایله M23 عضولری آراسیندا شدتلی توققوشمالار داوام ائدیر.
روآندا، اوگاندا و بوروندی ایله سرحدین یئرلشدیگی کونگو دموکراتیک جمهوریتینین دوغوسو 20 ایلدن آرتیقدیر کی، قیزیل و کوبالت کیمی معدنلره نظارتی اَله کئچیرمیه چالیشان سلاحلی گروهلارین هجوملارینا و قارشیدورمالارینا صحنه اولوب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.