فرانسه اوکراین ایله تهلوکهسیزلیک سازیشینی تصدیقلییب
فرانسه باش ناظیری روسیه-اوکراین موحاریبهسی باشلایاندان (2022) اوکراینا 2.6 میلیارد یورو دیرینده حربی تکنیک گؤندردیکلرینی بیلدیریب
فرانسه سناتوسو اوکراین ایله تهلوکهسیزلیک ساحهسینده ایمضالانمیش امکداشلیق سازیشینی تصدیقلییب.
میللی مطبوعاتدا یئر آلان خبره گؤره، فرانسهنین اوکراین ایله فوریهنین 16-دا ایمضالادیغی امکداشلیق موقاویلهسی سناتودا سسوئرمیه چیخاریلیب.
موقاویله 293 «له» سسی، 22 «علیه» سسی ایله قبول ائدیلیب.
مارتین 12-ده میللی مجلیسین عمومی قورولوندا اوکراینداکی وضعییت موذاکیره ائدیلیب و پارلامنتین سسینه قویولان راضیلاشما 99 علیهینه 372 لهینه سسله قبول ائدیلیب.
باش ناظیر گابریل آتال سسوئرمهدن اوول عمومی قورولدا چیخیش ائدرک، "بیزیم اوچون اوکراینا آرخا چئویرمک اؤز دیرلریمیزه آرخا چئویرمک دئمکدیر" دئییب. باش ناظیر، روسیه-اوکراین موحاریبهسی باشلایاندان (2022) اوکراینا 2.6 میلیارد یورو دیرینده حربی تکنیک گؤندردیکلرینی بیلدیریب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.