مصر و بیرلشمیش عرب امیرلیکلریندن غزهیه هاوادان یاردیم
بیرلشمیش عرب امیرلیکلری: اینسانی یاردیمین بیرلشمیش عرب امیرلیکلری-مصر حربی هاوا قووهلرینه مخصوص اوچاقلارلا یئددینجی دفعه غزهنین قوزئیینه هاوا یولو ایله چاتدیریلدی
مصر و بیرلشمیش عرب امیرلیکلری ایسرائیلین اوکتبرین 7-دن بری هوجوملارینی داوام ائتدیردیگی غزه زولاغینا یئددینجی دفعه هاوا یاردیمی چاتدیریب.
بیرلشمیش عرب امیرلیکلری ساوونما ناظیرلیگینه باغلی بیرگه عملیاتلار قوماندانلیغی ایکس پلاتفورمونداکی حسابیندا وئردیگی آچیقلامادا اینسانی یاردیمین بیرلشمیش عرب امیرلیکلری-مصر حربی هاوا قووهلرینه مخصوص اوچاقلارلا یئددینجی دفعه غزهنین قوزئیینه هاوا یولو ایله چاتدیریلدیغینی بیلدیریب.
هاوا یاردیمینین چاتدیریلماسی عملیاتی هر ایکی اؤلکهنین بیرگه گروپلاری طرفیندن اون تونلارلا ارزاق و طبی یاردیم داشییان اوچاقلارلا حیاتا کئچیریلیب.
دیگر طرفدن، مصر اوردوسوندان وئریلن یازیلی آچیقلامادا مصر حربی هاوا قووهلرینین اردن و بعضی «دوست و قارداش» اؤلکهلرله امکداشلیق چرچیوسینده بیر سیرا یاردیم عملیاتی حیاتا کئچیردیگی بیلدیریلیب.
بیاناتدا عملیاتین غزه زولاغینین قوزئیینده ایسرائیلین هوجوملاریندان ضرر چکمیش بؤلگهلره هاوا یولو ایله تعجیلی یاردیم گؤستریلمهسی مقصدی داشییان اولوسلارآراسی کوالیسیونون فعالییتلری چرچیوسینده حیاتا کئچیریلدیگی و یاردیمین بورادان چاتدیریلدیغی قئید ائدیلیب. مصر و بیرلشمیش عرب امیرلیکلرینین غزهنین قوزئیینه هاوا یاردیمی گؤندرمک اوچون قوردوغو "هاوا کؤرپوسو" چرچیوسینده العریش هاوا لیمانیندان قالخان حربی نقلییات اوچاقلاری ایله چاتدیریلدیغی دیقّت چکدی.
"خیریه قوشلاری" آدلی عملیاتین باشلادیغی فوریهنین 29-دان اعتیبارن بیرلشمیش عرب امیرلیکلری و مصرین غزه زولاغینا چاتدیردیغی اینسانی یاردیمین میقداری 311 تونا چاتیب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.