نیجریه‌ده 100-دن چوخ طلبه و بیر معلیم قاچیریلیب
بیرلشمیش میللتلر تشکیلاتینین نوماینده‌سی محمد مالیکه اساسلانان خبرنده قاچیریلانلارین سایینین 200 اولدوغونو بیلدیریلدی
نیجریه‌ده ترور تشکیلاتی بوکوحرام 100-دن چوخ طلبه و بیر معلیمی قاچیریب.
حادیثه اؤلکه‌نین قوزئی باتیسیندا یئرلشن کوریگا شهرینده باش وئریب.
یئرلی مطبوعاتین معلوماتینا گؤره، حادیثه شاهیدلری موتورسیکلت و سیلاحلا اونلارلا اینسانین مکتبه گیره‌رک 100-دن چوخ طلبه و بیر معلیمی آپاردیغینی بیلدیریبلر.
7 مارچ گونو ده بوکوحرام قاچقین دوشرگه‌سینده یاشایان و اودون ییغماق اوچون مئشیه گئدن اونلارلا قادین و اوشاغی قاچیریب.
حادیثه کامرون سرحدینده یئرلشن گامبورو-نگالا بؤلگه‌سینده باش وئریب و تهلوکه‌سیزلیک قووه‌لری مولکی ساکینلری خیلاص ائتمک اوچون عملیاتا باشلاییب.
نیجریه‌ده‌کی دیلی تراست قزئتی، بیرلشمیش میللتلر تشکیلاتینین نوماینده‌سی محمد مالیکه اساسلانان خبرینده قاچیریلانلارین سایینین 200 اولدوغونو بیلدیردی.
2009-جو ایلدن نیجریه‌نین قوزئی دوغوسوندا فعالییت گؤسترن بوکوحرام 2014-جو ایلده بورنو ایالتینده‌کی دؤولت مکتبیندن 276 قیز طلبه قاچیرمیشدی.
سون زامانلار اؤلکه‌نین موختلیف بؤلگه‌لرینده سیلاحلی دسته‌لرین، همچینین داعشین باتی آفریقا قولو اولان بوکوحرام وه ISWAP ترور تشکیلاتلارینین هوجوملاری تهلوکه‌سیزلیگی تهدید ائدیر.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
