بریتانییا خاریجی ایشلر ناظیری: ایسرائیل ایشغالچی گوج
دوید کامرون: غزهده ایشغالچی دؤولت اولان ایسرائیل مولکی شخصلرین یاردیما چاتماسینی تامین ائتمک اوچون مسولییت داشیییر
بؤیوک بریتانییانین خاریجی ایشلر ناظیری دیوید کامرون بیر داها ایسرائیلی «ایشغالچی گوج» آدلاندیریب. دیوید کامرون اؤلکهسینین پایتاختی لندنه سفر ائدن ایسرائیلین موحاریبه ناظیرلر کابینهسینین عضوو بنی گانتزلا گؤروشوندن سونرا آچیقلاما وئریب.
"فیلیسطینلیلر آرتان اینسانی بحرانلا اوزلشیرلر." قئید ائدن کامرون، قانتزلا گؤروش زامانی داها چوخ یاردیمین غزهیه داخیل اولماسینا و اورادان محبوسلارین چیخماسینا ایمکان یاراتماق اوچون موناقیشهده «اینسانی آتشکس» موذاکیره ائدیبلر.
ناظیر کامرون، "من بیر داها ایسرائیله یاردیم آخینینی آرتیرماسی اوچون تضییق ائتدیم. بونونلا بئله، یئرده هئچ بیر ایرلیلییش گؤره بیلمیریک". قییمتلندیرمسینی ائتدی.
بو وضعییتین دییشمهسی لازیم اولدوغونو بیلدیرن کامرون، "دؤیوشلرده تعجیلی اینسانی آتشکسه احتییاج وار، غزهده یاردیمین پایلانماسی ایمکانلارینین آرتیریلماسی، قورودان و دنیزدن داها چوخ یاردیم دهلیزینین آچیلماسینا و غزهیه ایجازه وئریلن اینسانی یاردیم نؤوعلرینین، او جوملدن سیغیناجاق و آلتیاپی تعمیری اوچون واجیب تجهیزاتلارین گئنیشلندیریلمهسینه ائهتییاج وار." دئدی.
دوید کامرون ایسرائیلین غزهنین جنوبونداکی رفح قاپیسینا حربی هوجومو احتیمالینین "ناراحات ائدیجی" اولدوغونو وورغولاییب، "غزهده ایشغالچی دؤولت اولان ایسرائیل مولکی شخصلرین یاردیما چاتماسینی تامین ائتمک اوچون مسولییت داشیییر." بیاناتلارینی داخیل ائدیب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.