روسیه اولوسلارآراسی جینایت محکمهسینین قرارینی تانیمادی
اولوسلارآراسی جینایت محکمهسی اوکرایندا حربی جینایتلر تؤرتمکده ایتیهام ائدیلهرک یوکسک سویهلی روسیهلی قوماندانلارین حبسینه قرار وئریب
روسیه هلندین لاهه شهریندکی اولوسلارآراسی جینایت محکمهسینین اوکرایندا حربی جینایتلر تؤرتمکده ایتیهام اولونان ایکی یوکسک سویهلی روس قوماندانینا قارشی چیخاردیغی حبس قرارینی تانیمادیقلارینی آچیقلاییب.
اولوسلارآراسی جینایت محکمهسی دونن اوکرایندا حربی جینایتلر تؤرتمکده ایتیهام ائدیلهرک یوکسک سویهلی روسیهلی قوماندانلار سرگئی ایوانوویچ کوبیلاش و ویکتور نیکولایئویچ سوکولووون حبسینه قرار وئریب.
روسیه پرزیدنت سارایی کرملین سؤزچوسو دیمیتری پسکوو، روسیهنین اولوسلارآراسی جینایت محکمهسینین تاسیس ائدیلمهسی ایله باغلی روما استاتوسونون طرفی اولمادیغی اوچون حبس قرارلارینی تانیمادیقلارینی سؤیلدی.
کئچن ایلین مارت آییندا اولوسلارآراسی جینایت محکمهسی، همچینین، اوکراینلی اوشاقلارین اوغورلانماسی ایله باغلی موحاریبه جینایتی ایدعالارینا گؤره روسیه پرزیدنتی ولادیمیر پوتین و روسیهنین اوشاق کمیسری مارییا لووا-بئلووانین حبسینه قرار وئریب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.