آلمانین موسکوداکی سفیری روسیه خاریجی ایشلر ناظیرلیگینه چاغیریلیب
روسیه تهلوکهسیزلیک شوراسینین صدر معاوینی دمیتری مدودف ده سس ایچریگینه اساسلاناراق آلمانین روسیه ایله موحاریبیه حاضیرلاشدیغینی ایدعا ائدیب
قیریم کؤرپوسونو اوزاقمنزیللی راکتلرله داغیتان آلمان ضابیطلرینین سس ایچریگی یاییلدیقدان سونرا آلمانین موسکوداکی سفیری، آلکساندر لامبسدورف روسیه خاریجی ایشلر ناظیرلیگینه چاغیریلیب.
گیریشده ژورنالیستلرین سواللارینا جاواب وئرمین سفیر لامبسدورف بیر مودت سونرا آچیقلاما وئرمدن ناظیرلیگی ترک ائدیب.
«روسیا تودی» مئدیا اورگانینین باش رداکتورو مارگاریتا سیمونیان آلمان ضابیطلرینین 30 دقیقهلیک سس ایچریگینی درج ائدیب.
سس ایچریگینده آلمان حربی هاوا قووهلرینین یوکسک روتبهلی عضولری سیاسی بیر قرار اولدوغو حالدا «تاوروس» راکتلرینین نئجه گؤندریله بیلهجیینی و آلمانین کشفییاتی و تکنیکی دستگی اولمادان اوکراینا طرفیندن ایستیفاده اولونا بیلهجیینی موذاکیره ائدیردیلر.
سس ایچریگینده «تاوروس» راکتلرینین روسیهنین غیری-قانونی ایلحاق ائتدیگی قیریم یاریمآداسیندا تیکیلمیش قیریم کؤرپوسونو تکنیکی جهتدن محو ائدهبیلهجیی ایله باغلی موذاکیرهلر ده یئر آلیب.
روسیه خاریجی ایشلر ناظیرلیگینین سؤزچوسو ماریا زاخارووا برلیندن سس ایچریگیندهکی دانیشیقلارلا باغلی آچیقلاما ایستییب.
روسیه تهلوکهسیزلیک شوراسینین صدر معاوینی دمیتری مدودف ده سس ایچریگینه اساسلاناراق آلمانین روسیه ایله موحاریبیه حاضیرلاشدیغینی ایدعا ائدیب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.