روسیه بنزین ایخراجینا 6 آی قاداغا قویوب
روسیه حؤکومتی اؤلکهنین یاناجاق بازاریندا ثابیتلیگین قورونوب ساخلانیلماسی اوچون بنزین ایخراجینین 6 آی مودتینه قاداغان ائدیلدیگینی بیلدیریلیب
روسیه بو گوندن (مارچ ۱-دن) بنزین ایخراجینا 6 آی قاداغا قویوب.
روسیه حؤکومتیندن وئریلن یازیلی آچیقلامادا اؤلکهنین یاناجاق بازاریندا ثابیتلیگین قورونوب ساخلانیلماسی اوچون تدبیرلرین گؤرولدویو و بو چرچیوهده 1 مارچ تاریخیندن اعتیبارن بنزین ایخراجینین 6 آی مودتینه قاداغان ائدیلدیگی، اوراسیا ایقتیصادی بیرلیگی اؤلکهلری ده داخیل اولماقلا، حؤکومتلرآراسی راضیلاشمالارلا داشیمالارین بو قرار چرچیوهسینده اولمادیغی بیلدیریلیب.
باش ناظیرین معاوینی آلکساندر نوواک چرشنبه گونو بیلدیریب کی، بنزینین ایخراجینا قویولان مومکون قاداغا پلانلاشدیریلاندان داها تئز آرادان قالدیریلا بیلر.
روسیهده بنزین وه دیزلین قییمتینین آرتماسی ایله علاقهدار اولاراق 2023 ایلینین سپتامبر آییندا بنزینین ایخراجینا قاداغا قویولوب، تخمینن 2 آی سونرا ایسه قاداغا گؤتورولوب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.