آوروپا پارلمانی غزه-ده عاجیل و دایمی آتشکسه چاغیریب

آوروپا پارلمانی ایلک دفعه اولا‌راق ایسراییلین هوجوم‌لارینی داوام ائتدیردیگی غزه-ده "عاجیل و دایمی آتشکسه" چاغیریب.

آوروپا پارلمانینین عمومی ایجلاسیندا "دونیادا اینسان حاق‌لاری و دموکراسینین وضعیتی و آوروپا بیرلیگی-نین بونا دایر سیاستی" مؤوضوعسوندا حاضیرلانان 2023-جو ایل راپورو لئهینه 265، علیهینه 253 و بی طرف 10 سسله قبول ائدیلیب.

آوروپا پارلمانینداکی سول قروپ عضو‌لرینین دییشیک‌لیک طلب ائتدیگی راپورون 62-جی ماده‌سینه "غزه-ده عاجیل و دایمی آتشکس چاغیریشی" علاوه ائدیلیب.

یئنی‌دن ایشلنمیش و تصدیقلنمیش یئنی راپوردا "آوروپا بیرلیگی، اونون عضو دؤولت‌لری و اولوسلار آراسی، خصوصاً ده هر کسین غذا و سویا فاصیله‌سیز چیخیشینی تامین ائتمک اوچون غزه زولاغیندا عاجیل و دایمی آتشکسه چاغیریلیر" دئییلیب.

بئله‌لیکله، آوروپا پارلمانی ایلک دفعه اولا‌راق غزه-ده آتشکسه چاغیریب. ژانویه‌نین 18-ده قبول ائدیلن قراردا "دایمی آتشکس" بوتون اسیرلرین آزاد ائدیلمه‌سی و "حماس"ین لغوی شرطی قویولوب.

اوکتبرین 7-دن بری ایسراییلین غزه زولاغینا شدت‌لی هوجوم‌لاری نتیجه‌سینده اکثریتی اوشاق اولان 30 میندن چوخ فیلیسطین‌لی حیاتینی ایتیریب.