ایسرائیلین واشینگتونداکی سفیرلیگی قارشیسیندا بیر عسگر اؤزونو یاندیریب
سفیرلیگین قارشیسیندا بیر عسگر باشینا بنزین تؤکور و اؤزونو یاندیریر و نفسی کسیلنه قدر "فیلیسطینه آزادلیق" قیشقیریر
آمریکادا حربی هاوا قووهلرینده عسگر اولدوغو بیلینن شخص واشینگتوندا ایسرائیل سفیرلیگی قارشیسیندا اؤزونو یاندیراراق غزهدهکی سویقیریما اعتیراض ائدیب.
آمریکا حربی هاوا قووهلرینده آکتیو حربی خیدمتده اولان 25 یاشلی آرون بوشنئلین اعتیراضی و اؤزونو یاندیرماسی گؤرونتولری سوسیال مئدیادا یاییلیب.
ویدئودا کاموفلاژ گئیینمیش بوشنئل اؤزونو آمریکا هاوا قووهلرینین فعال عسگری کیمی تقدیم ائدیر و «من داها سویقیریمدا ایشتیراک ائتمیهجیم» ایفادهسینی ایشلدیر.
واشینگتوندا ایسرائیل سفیرلیگینین قارشیسیندا گزن بوشنئل، "ایندی من کیفایت قدر شیددتلی اعتیراض حرکتی کئچیرجیم، لاکین فیلیسطینلیلرین ایشغالچیلارین الی ایله یاشادیقلاری قارشیسیندا منیم حرکتیم او قدر ده بؤیوک مسئله دئییل" شکلینده دانیشیر.
سفیرلیگین قارشیسیندا بوشنئل باشینا بنزین تؤکور و اؤزونو یاندیریر و نفسی کسیلنه قدر "فیلیسطینه آزادلیق" قیشقیریر.
گؤرونتولرده سفیرلیک پولیسی "سنه کؤمک ائده بیلرممی؟" "یئره یات" دئمهسی ائشیدیلیر.
دیگر پولیس مامورونون "بیزه سیلاح یوخ، یانغینسؤندورن لازیمدیر." دئییر.
واشینگتون یانغین و تعجیلی طیببی یاردیم خیدمتی رسمیلری اؤزونو یاندیران شخصین بؤلگه خستهخاناسینا آپاریلدیغینی وه وضعییتینین آغیر اولدوغونو بیلدیریب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.