حوثیلردن تهدید

یمنده‌کی ایران دستکلی حوثیلرین لیدئری عبدالملک الحوثی، قیزیل دنیز، عدن کؤرفزی و باب المندب‌دن گئچه‌ن ایسرائیل، آمریکا و اینگیلیس گمیلرینه قارشی سالدیریلاری آرتیرما تهدیدی ائتدی.

عبدالملک الحوثی، لیدئرلیک ائتدیگی قروپا عاید المسیره تلویزیونونداکی دانیشماسیندا، ایسرائیلین غزه یولاغینا ۷ اکتبردا باشلاتدیغی سالدیریلاردان بو یانا غزه‌یه دستک اوچون قیزیل دنیزده عدن کؤرفزینده ایجرا ائتدیکلری فعالیتلره باغلی بیلگی وئردی.

"غزه‌یه قارشی سالدیرین باشلاماسیندان بو یانا قیزیل دنیز و عمان دنیزینده (ایسرائیل، آمریکا و اینگیلتره‌یه عاید) ۴۸ گمینی هدف آلدیق" دئیه‌ن حوثی، بونون، دۆشمنین گمی حرکتلرینی آزالتماسی، استتار ائتمه‌سی و اونلار حاقینداکی بیلگیلری گیزله‌مه‌سینه باخمایاراق اؤنملی بیر رقم اولدوغونو سؤیله‌دی.

حوثی لیدئر، قیزیل دنیز، عدن کؤرفزی و باب المندب‌ده‌کی فعالیتلرینین داوام ائدجگینی و بونلاری آرتیرماغا چالیشدیقلارینی ایفاده ائتدی.

قیزیل دنیز و عرب دنیزینده‌کی عملیاتلارینا "دنیزآلتی سلاحلاری" داخیل ائتدیکلرینی ایفاده ائد‌ن حوثی، بونون "دۆشمن اوچون قایغی وئریجی بیر مؤوضوع" اولدوغونو ساووندو.

ایسرائیله قارشی سالدیریلارینا باغلی ایسه حوثی، "غزه یولاغینا قارشی سالدیرینین باشلاماسیندان بو یانا ایشغال آلتینداکی فیلیسطین تورپاقلارینداکی ایسرائیل هدفلرینه ۱۸۳ موشک و اینسانسیز هاوا آراجی آتدیق" ایفاده‌سینی ایشلتدی.

حوثی، آمریکانی غزه‌ده‌کی فیلیسطین خالقینی آجلیغا محکوم ائتمک اوچون ایسرائیله ان بؤیوک دستگی وئرمکله سوچلادی.

المسیره تلویزیونونون باشقا بیر خبرینده ایسه، آمریکا و اینگیلتره‌نین، حدیده‌نین باتیسیندا‌کی الجبانه بؤلگه‌سینه ۴ سالدیری تشکیل ائتدیگی ایفاده ائدیلدی.

ایرانین دستکله‌دیگی حوثیلر، ایسرائیلین غزه‌ده‌کی سالدیریلارینا تپکی سببی ایله ۳۱ اکتبردا یمن سولاریندا ایسرائیللی شیرکتلره باغلی اولدوغونو ایفاده ائتدیکلری تیجاری گمیلره ال قویماغا، بعضیلرینه ده اینسانسیز هاوا آراجلاری و موشکلرله سالدیریلار تشکیل ائتمه‌یه باشلادی.

آمریکا گوجلری، بو مدتده بیر چوخ دفعه یمندن آتیلان موشک و کامی‌کازه هاوا آراجی سالدیغینی بیلدیردی.

کۆره‌سل تیجارتین تخمیناً یوزده ۱۲سی، آرغ دنیزی قیزیل‌دنیزه باغلایاراق آوروپا ایله آسیا آراسینداکی ان قیسا یولو اولوشدوران سوئز کانالی اۆزریندن ائدیلیر.