پوتین: اوزایا نووه سلاحی یئرلشدیریلمهسینه قارشیییق
ولادیمیر پوتین، باشکند موسکوادا روسیا ساوونما باخانی سرگئی شویگو ایله گئرچکلشدیردیگی ییغینجاقدا آچیقلامالار وئردی
روسیا دؤولت باشقانی ولادیمیر پوتین، اوزایا نووه سلاحی یئرلشدیریلمهسینه قارشی اولدوقلارینی ایفاده ائتدی.
ولادیمیر پوتین، باشکند موسکوادا روسیا ساوونما باخانی سرگئی شویگو ایله گئرچکلشدیردیگی ییغینجاقدا آچیقلامالار وئردی.
روس اوردوسونون، دونتسک بؤلگهسیندهکی آودیگیوکا شهرینی "باشاریلی شکیلده" اکنترل آلتینا آلدیغینی بیلدیرن پوتین،
"بو باشارینین داها دا گلیشدیریلمهسی لازیمدیر. آنجاق بو آددیملارین یاخشی حاضرلانماسی، پرسنل، سلاح، تجهیزات و مهماتلا ضمانت آلتینا آلینماسی لازیمدیر" ایفادهسینی ایشلتدی.
پوتین، کرینکی آدلی یئرلهشیم یئرینین ده روس اوردوسو طرفیندن کنترل آلتینا آلیندیغینی ایفاده ائتدی
اوکراینا قونوسوندا موذاکیرهنی رد ائتمهدیکلرینه ایشاره ائدن پوتین، "بیز، هر زامان موذاکیرهدن یاناییق. دیالوگو کسمهدیگیمیزی اونسوز دا یوزلرجه دفعه سؤیلهدیم. لوندن و واشینگتنون دبیر باشا تاپشیریغییلا دیالوگو کسینتییه اوغرادان اوکراینا طرفی ایدی" دئیه دانیشدی.
پوتین، آمریکا بیرلشمیش دؤولتلری مطبوعاتیندا یئر آلان "روسیانین اوزایا نووه سلاحی قونوشلاندیرماغی پلانلادیغی" یولونداکی ادعالارا باغلی بونلاری قید ائتدی:
"بیزیم دوروشوموز آچیق و شفافدیر. اوزایا نووه سلاحی قونوشلاندیریلماسینا دایما قارشییدیق و ایندی ده قارشیییق. بو ساحهده وار اولان بوتون آنلاشمالارا اویولماسینی دئییل، عینی زاماندا اورتاق ایشلرین گوجلندیریلمهسینی دفعهلرله تکلیف ائتدیک".
شویگو دا روسیانین اوزایا نووه سلاحی قونوشلاندیرمایا دایر بیر پروژه صاحب اولمادیغینی ایفاده ائدرک،
"بونو اونلار دا بیلیر آنجاق یئنه ده سس-کۆی چیخاردیرلار. یالنیز اوکراینا اوچون دئییل، عینی زاماندا روسیانی استراتژیک اولاراق مغلوب ائتمک اوچون، سناتورلاری و کنگره عضولرینی قورخوداراق قازانجلارین آلیمینی تامین ائتمک ایستهییرلر" دگرلندیرمهسینی وئردی.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.