گ7 اؤلکهلرینین لیدرلری اوکراینانی موذاکیره ائده جکلر
گ7 اؤلکهلرینین لیدرلری روسیا-اوکراینا محاربهسینین فوریهنین 24-ده باشلانماسینین 2-جی ایلدؤنومونو قئید ائتمک اوچون ویدئوکنفرانس واسیطهسیله گؤروشهجکلری بیلدیریلیب.
امریکا، آلمانیا، کانادا، فرانسا، اینگیلتره، ایتالیا و ژاپونیادان عبارت "بؤیوک یئددیلیک" (گ7) اؤلکهلرینین لیدرلرینین روسیا-اوکراینا محاربهسینین فوریهنین 24-ده باشلانماسینین 2-جی ایلدؤنومونو قئید ائتمک اوچون ویدئوکنفرانس واسیطهسیله گؤروشهجکلری بیلدیریلیب.
ایتالیا باش ناظیرلیگیندن وئریلن یازیلی آچیقلامادا گ7 لیدرلرینین 24 فوریه 2022-جی ایلده روسیانین اوکراینایا هوجومو ایله باشلایان محاربهنین 2-جی ایلدؤنومونده ایتالیانین نؤوبتی صدرلیگی دؤورونده ایلک گؤروشونو ویدئو کنفرانس واسیطهسیله کئچیرهجکلری قئید اولونوب.
ایتالیانین باش ناظیری جورجیا ملونینین صدرلیگی ایله کئچیریلهجک ایجلاسدا اوکراینا پرزیدنتی ولودیمیر زلنسکینین ایشتیراکی گؤزلنیلیر.
ایتالیانین صدرلیگی ایله اوزبوز گ7 لیدئرلر ذیروهسی 13-15 ژوئن تاریخلرینده اؤلکهنین گونئی-دوغوسونداکی پوگلیا بؤلگهسینده کئچیریلهجک.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.