دونیا ساغلیق تشکیلاتی: دونیا یئنی ائپیدمییه حاضیر دئییل

دونیا ساغلیق تشکیلاتینین باش دیرکتورو تدروس آدهانوم غبریسوس دونیانین یئنی ائپیدمییه حاضیر اولمادیغینی بیلدیریب.

غبریسوس سی‌ان‌ان-ده قاتیلدیغی پروگرامدا یئنی تور کروناویروس (کووید-19) اپیدمی دؤورو و اونون نتیجه‌لری ایله باغلی آچیقلامالار وئریب.

کووید-19 اپیدمیسینده "زمانیندا و شفاف" معلومات موبادیله‌سی و گلوبال کوردیناسییوندا پروبلملرین هله ده داوام ائتدیگینی بیلدیرن غبریسوس، دونیانین یئنی بیر اپیدمییه حاضیر اولمادیغینی قئید ائتدی.

غبریسوس بوتون اؤلکه‌لری واکسنلر و درمانلار کیمی اپیدمی ایله ساواشدا ایستیفاده اولونان موهوم معلومات و واسیطلرین پایلاشیلماسینی آسانلاشدیرماق اوچون «پاندمی آنلاشماسی» ایمضالاماغا چاغیریب، "گؤردوکلریمیزه گؤره، سیستمیمیزده بوشلوقلار وار. اگر بیر شئی اولارسا، حاضیر اولمادیغیمیز اوچون هر شئی اولا بیلر. آما بیز بونا درحال رئاکسییا وئریب و بئله‌لیکله، ضرری مینیموما ائندیره بیلریک" دئدی.