روسیا-اوکراینا محاربه‌سی سببیندن 23 مین نفر ایتکین دوشوب

2022-جی ایلین فوریه-دن بری داوام ائدن روسیا-اوکراینا محاربه‌سی سببیندن 23 مین نفرین ایتکین دوشدوگو بیلدیریلیب.

اولوسلار آراسی قیزیل خاچ کومیته‌سی (ICRC) محاربه نتیجه‌سینده ایتکین دوشن‌لرله باغلی یازی‌لی آچیقلاما وئریب.

آچیقلامادا روسیا-اوکراینا محاربه‌سی سببیله 23 مین آدامین ایتکین دوشدوگو قئید ائدیلیب و بو ایتکین‌لرین اسیر گؤتورولدوگو، اؤلدورولدوگو و یا ائولرینی ترک ائتدیگی بیلدیریلیب.

آچیقلامادا ایتکین دوشن‌لرین تالعینه آیدین‌لیق گتیرمک اوچون آراشدیرما‌لارین آپاریلدیغی قئید اولونوب.

اولوسلار آراسی قیزیل خاچ کومیته‌سی-نین مرکزی ایزله‌مه آژانسی بوروسونون باشقانی دوسان وژاسانین قئید ائدیب کی، عائله‌لرین ایتکین دوشن قوهوم‌لاری‌نین باشینا گلن‌لری بیلمک حقوقو وار.

ووجاسانین مین‌لرله ایتکین دوشموش اینسان‌لارین عائله‌لری ایله اونسیت قورما‌لارینا کؤمک ائتدیک‌لرینی بیلدیریب.