ایلان ماسک روسیا ایله امکداشلیق می ائدیر؟

اوکراینا استخبارات سرویسی روس اوردوسونون ایشغال ائتدیگی تورپاقلاردا استارلینک ارتباط اویدوسونو قوللاندیغینی معین ائتدیگینی ایفاده ائتدی. اله گئچریله‌ن سس فایللارینین، دونئتسک بؤلگه‌سینده فعالیت گؤستره‌ن ۸۳.جو روسیا هاوا ائندیرمه توغایینین استارلینک ترمیناللارینی اینترنت باغلانتیسی اوچون ایستیفاده ائتدیگینی گؤستردیگی ایشاره ائدیلیر. استخبارات سرویسی، بو جور حادثه‌لرین سیستماتیک کاراکتر آلماغا باشلادیغینا دقت چکیر.

ایستارلینک ترمیناللارینین عاید اولدوغو اسپیس ایکس شیرکتی، روسیا حکومتی یا دا اوردوسویلا هر هانسی بیر باغلانتینین اولدوغونو دانیر. اسپیس ایکسین صاحبی ایلان ماسک ایکس سوسیال شبکه‌سی حسابیندا 'بعضی خبرلرده اسپیس ایکسین روسیایا استارلینک ترمیناللاری ساتدیغی یازیر. بونون حقیقتله هئچ بیر ایلگیسی یوخدور. هئچ بیر استارلیکین روسیایا بیر باشا و یا دولاییلی ساتیشی یوخ' یازدی.

اسپیس ایکس شیرکتی، سوروشدورما نتیجه‌سینده استارلینک ترمینالینین روسیا طرفیندن ایستیفاده ائدیلدیگی اورتایا چیخارسا بونون دؤوره دیشی بوراخیلاجاغینی ایفاده ائتدی.

استارلینک اویدو اینترنت خیدمتی اوکراینا سلاحلی گۆجلرینین استخبارات سرویسینین باشقانی کیریل بودانوو، اویدو ارتباطینین بوتون جبهه‌لرده سیخ شکیلده ایستیفاده ائدیلدیگینی دیله گتیریلمیشدی.