بایدن نتانیاهویا خبردارلیق ائدیب
امریکا پرزیدنتی جو بایدن ایسراییلین باش ناظیری بنیامین نتانیاهویا غزه زولاغینین رفح شهرینده "اعتبارلی پلان اولمادان حربی عملیاتا باشلامامالیدیر" خبردارلیغی ائدیب.
![بایدن نتانیاهویا خبردارلیق ائدیب](http://cdn.trt.net.tr/images/xlarge/rectangle/2ba5/19e2/fc69/65c9eb82b09be.jpg?time=1722044753)
امریکا پرزیدنتی جو بایدن ایسراییلین باش ناظیری بنیامین نتانیاهویا غزه زولاغینین رفح شهرینده "اعتبارلی پلان اولمادان حربی عملیاتا باشلامامالیدیر" خبردارلیغی ائدیب.
آغ ائودن وئریلن یازیلی آچیقلامادا جو بایدن و بنیامین نتانیاهونون تلفون دانیشیغیندا "حماس طرفیندن ساخلانیلان بوتون اسیرلرین آزاد ائدیلمهسینین تامین ائدیلمهسی سعیلرینین" موذاکیره ائدیلدیگی بیلدیریلیب.
بیاناتدا بایدنین نتانیاهویا "رفح-ده 1 میلیوندان چوخ اینسانین تهلوکهسیزلیگینی تامین ائتمک اوچون اعتبارلی و حیاتا کئچیریله بیلن پلان اولمادان حربی عملیات باشلامامالیدیر" فیکرینی تکرارلادیغی قئید ائدیلیب.
بیاناتدا بایدنین "گوناهسیز فیلیسطینلی سیویل شخصلره اینسانی یاردیمین ثمرهلیلیگینی و آردیجیللیغینی آرتیرماق اوچون عاجیل و کونکرت آددیملار آتماغا چاغیردیغی" و پرزیدنتین آیریجا "حماس"ین مغلوب ائدیلدیگینی گؤرمک و ایسراییل ایله خالقینین اوزون مدتلی تهلوکهسیزلیگینی تامین ائتمک ساحهسیندکی بیرگه هدفی" بیر داها تصدیق ائتدیگی وورغولانیب.
دیگر طرفدن، فیلیسطین-ین رسمی آژانسی وفا رفح-دهکی خستهخانا رسمیلرینه اساسلاناراق، ایسراییلین رفح شهرینه هوجوملاری نتیجهسینده 100-دن چوخ اینسانین اؤلدوگونو، یوزلرله یارالینین ایسه خستهخانالارا چاتدیریلدیغینی بیلدیریب.
یئرلی منبعلر دؤیوش اوچاق لارینین شدتلی توپچو آتیشی و دؤیوش گمیلرینین دنیزدن شدتلی آتیشی ایله عینی واختدا 40-آ یاخین هاوا هوجومو حیاتا کئچیردیگینی، خصوصیله کؤچکونلرین یاشادیغی بیر چوخ ائو و مسجیدین هدفه آلیندیغینی قئید ائدیب.
فیلیسطین قیزیل آی جمعیتی ده ایسراییلین هوجوملارینین داها چوخ رفح شهرینین مرکزینده اولدوغونو و هوجوملاردا سیویل وطنداشلارین ائولرینین ده هدف آلیندیغینی آچیقلاییب.
فوریهنین 9-دا ایسراییل باش ناظیرلیک اوفیسیندن وئریلن آچیقلامادا نتانیاهونون اوردو و تهلوکهسیزلیک تشکیلاتینا غزه زولاغینین گونئی ینه هوجوم ائتمک و اورایا سیغینان تخمینن 1،5 میلیون فیلیسطین-لینی کؤچورمک اوچون لازیمی پلانی حاضیرلاماق گؤستریشی وئردیگی قئید ائدیلیب.