روسیا ایله اوکراینا آراسیندا اسیر موبادیله‌سی آپاریلیب
روسیا و اوکراینا آراسیندا یئنی‌لنمیش اسیر موبادیله‌سی چرچیوه‌سینده قارشیلیقلی 100 عسگر آزاد ائدیلیب.
روسیا و اوکراینا آراسیندا یئنی‌لنمیش اسیر موبادیله‌سی چرچیوه‌سینده قارشیلیقلی 100 عسگر آزاد ائدیلیب.
اوکراینا پرزیدنتی ولودیمیر زلنسکی سوسیال شبکه‌ده اسیر موبادیله‌سی ایله باغلی ائتدیگی پای‌لاشیمدا "100 عسگریمیز وطنه قاییدیب. ایندییه قدر 3 مین 135 اوکراینا‌لی روسیانین اسیرلیگیندن خلاص ائدیلیب" دئییب.
روسیا ساوونما ناظیرلیگیندن وئریلن آچیقلامادا اوکراینا ایله اسیر موبادیله‌سی‌نین آپاریلدیغی بیلدیریلیب. دانیشیق‌لار پروسه‌سی نتیجه‌سینده کیئو رهبرلیگی‌نین نظارتینده اولان تورپاق‌لاردان روسیانین 100 عسگری‌نین گئری آلیندیغی بیلدیریلن آچیقلامادا بو ایفاده‌لردن ایستیفاده ائدیلیب:
"بیرلشمیش عرب امیرلیک‌لری‌نین حاکمیت اورقان‌لاری روسیا‌لی حربچی‌لرین اوکراینا اسیرلیگیندن گئری قایتاریلماسیندا اینسانی آرابولوجولوق یاردیمی گؤستریب.
حربی قوللوقچولار روسیا ساوونما ناظیرلیگی‌نین طب موسسه‌لرینده معالیجه و رئابیلیتاسیا‌دان کئچمک اوچون موسکوایا آپاریلا‌جاق، اونلارا لازیمی طبی و پسیکولوژی یاردیم گؤستریله‌جک."
قئید ائدک کی، 2 ایلدیر محاربه شرایطینده اولان ایکی اؤلکه آراسیندا سونونجو اسیر موبادیله‌سی ژانویه‌نین 31-ده رئاللاشیب و 195 عسگر موبادیله‌سی اولوب.
