بمت-ده امریکا-نین عراق و سوریه-یه هوجوم‌لاری موذاکیره ائدیلیب
ییغینجاق زامانی امریکا و بؤیوک بریتانیا واشینگتونون عراق و سوریه-یه هوجوم‌لارینی مدافعه ائدیب‌لر.
بیرلشمیش میللت‌لر تشکیلاتی تهلوکه‌سیزلیک شوراسی روسیانین طلبی ایله امریکانین عراق و سوریه-یه قارشی عملیات‌لارینی موذاکیره ائتمک اوچون ایجلاس کئچیریب.
ییغینجاق زامانی امریکا و بؤیوک بریتانیا واشینگتونون عراق و سوریه-یه هوجوم‌لارینی مدافعه ائدیب‌لر.
بؤیوک بریتانیانین بمت-ده‌کی دایمی نوماینده‌سی باربارا وودوارد "بؤیوک بریتانیا عراق و سوریه ده داخیل اولماقلا، اولوسلار آراسی باریش و تهلوکه‌سیزلیگین قورونماسی و اینکیشافی اوچون بوتون سعی‌لری دستکلییر" دئییب.
"بیز امریکانین اؤزونو ساوونما و رئاکسیا حقوقونو تام دستکلییریک"، دئیه او قئید ائدیب.
بریتانیا نوماینده‌سی ایرانا باغلی میلیس قروپ‌لاری‌نین عراق و سوریه-ده‌کی حربی بازا‌لاری هدف آلماسینی پیسله‌ییب.
امریکانین بمت-ده‌کی دایمی نوماینده‌سی‌نین معاوینی رابرت وود ایسه اؤلکه‌سی‌نین بمت نیظامنامه‌سی‌نین 51-جی ماده‌سینه اویغون اولا‌راق اؤزونوساوونما حقوقون‌دان ایستیفاده ائتدیگینی مدافعه ائدیب.
امریکا اؤز شخصی هئیتینه قارشی قبول ائدیلمز هوجوم‌لارا جاواب وئرمه‌یه داوام ائدجگینی وورغولایان وود ایرانی بؤلگه‌ده گرگین‌لیگی آرتیرماقدا اتهام ائدیب.
قئید ائدک کی، ژانویه‌نین 29-دا سوریه-اوردون سرحدینده امریکا-یا مخصوص "Tower 22" بازاسینا هوجوم نتیجه‌سینده 3 امریکا عسگری هلاک اولوب، 40-دان چوخ عسگر یارالانیب.
هوجوما جاواب اولا‌راق امریکا رهبرلیگی زامان عرضینده یاییلان چوخ سویه‌لی هوجوم‌لارا باشلایاجاغینی و ایرانین دستکلدیگی قروپ‌لارین هدف آلیناجاغینی آچیقلاییب.
جوما گونو امریکا پرزیدنتی جو بایدن سوریه و عراق-دا سپاه پاسداران و اونا باغلی میلیس قروپ‌لارینی هدف آلا‌راق بازا هوجومونا جاواب وئرمه‌یه باشلادیق‌لارینی و بو جاوابین "اؤزلری‌نین سئچدیک‌لری واخت و یئرلرده داوام ائدجگینی" آچیقلادی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
